नांदेड - एकीकडे रक्षाबंधनाचा सण साजरा केला जात असताना 1 दिवसाच्या स्त्री जातीच्या अर्भकाला कचऱ्यात फेकून दिल्याचा संतापजनक प्रकार नांदेडमध्ये समोर आला आहे. बाळावर उपचार सुरू असून प्रकृती चिंताजनक असल्याचे डॉक्टरांनी सांगितले.
उपचारासाठी अर्भकाला नांदेडच्या शासकीय रुग्णालयात दाखल करण्यात आले आहे.
नांदेड शहरातील एका कचराकुंडी शेजारी हे बाळ जखमी अवस्थेत फेकून देण्यात आले होते. काही युवकांनी आणि सामाजिक कार्यकर्त्यांनी बाळाला तत्काळ शामनगर येथील रुग्णालयात दाखल केले. या बाळाच्या मानेवर 1 इंच खोलवर जखम आहे.
बाळाला मारून फेकण्याचा प्रयत्न केल्याचे यावरून दिसत आहे. पण सुदैवाने बाळ बचावले. बाळ अत्यवस्थ असल्याने पुढील उपचारासाठी नांदेडच्या शासकीय रुग्णालयात दाखल करण्यात आले. बाळावर उपचार सुरू असून प्रकृती चिंताजनक असल्याचे डॉक्टरांनी सांगितले.
