नांदेड - तीन तलाक कायद्याचे उल्लंघन करत तोंडी तलाक दिल्याप्रकरणी एका व्यक्तीविरोधात गुन्हा दाखल करण्यात आला आहे.
जुन्या नांदेडमधील केळी मार्केट भागात वास्तव्यास असलेल्या तलक अंजुम शेख तौफीक (वय-22) या विवाहितेचे पतीसोबतचे प्रकरण अद्याप न्यायप्रविष्ट आहे. तलकने कलम 498 अ नुसार गुन्हा दाखल केला आहे. त्यामुळे ती पतीच्या घरी राहण्याऐवजी सध्या आजोबांकडे वास्तव्यास आहे.
या ठिकाणी जाऊन शेख तौफीक शेख युसुफ (वय -28) या व्यक्तीने 15 जानेवारीला दुपारी 3.30 च्या दरम्यान घराबाहेर बोलावले. यानंतर त्याने आणि तीन वेळा तलाक म्हणून आपल्यात कोणताही संबंध उरला नसल्याचे सांगितले. या तोंडी तलाक नंतर संबंधित तरूणीने पोलिसांत धाव घेतली. तिने दिलेल्या फिर्यादीवरून इतवारा पोलीस ठाण्यात गुन्ह्याची नोंद करण्यात आली आहे. पोलीस हेड कॉन्स्टेबल शिंदे पुढील तपास करत आहे.
