नांदेड - काँग्रेसचे दिवंगत नेते खासदार राजीव सातव यांच्या अस्थीचे विसर्जन नांदेडमधील गोदावरी नदीत आज करण्यात आले. राजीव साताव यांचे अस्थी कलश यात्रा दुपारी नांदेडला पोहचली. गोदावरी नदी काठावरील काळेश्वर येथे अस्थी विसर्जन करण्यात आले. यावेळी राजीव सातव यांच्या आई रजनीताई सातव, त्यांच्या पत्नी, मुलगा, मुलगी यांच्यासह हिंगोलीच्या पालकमंत्री वर्षा गायकवाड, राज्यमंत्री विश्वजित कदम, सत्यजित तांबे यांच्यासह काँग्रेसचे अनेक नेते अस्थी विसर्जनासाठी उपस्थित होते. विधिवत पूजा अर्चा केल्यानंतर गोदावरी नदीत राजीव यांच्या अस्थिचे विसर्जन करण्यात आले.
कोरोनामुळे झाले होते निधन -
राजीव सातव यांचे कोरोनामुळे निधन झाले होते. अनेक दिवस त्यांच्यावर पुण्यातील जहांगीर रुग्णालयात उपचार सुरू होते. सातव यांना कोरोनाची लागण झाल्यानंतर प्रकृती खालावल्याने त्यांना व्हेटिंलेटरवर ठेवण्यात आले होते. उपचारदरम्यान त्यांचा मृत्यू झाला.
हेही वाचा - देवेंद्र फडणवीस आणि माझी कोणतीही गुप्त बैठक झाली नाही; उदय सामंतांचे स्पष्टीकरण
