नांदेड - आतापर्यंत घेण्यात आलेले स्वॅब 649 असून त्यापैकी 1 रुग्णाचा स्वॅब कोरोना पॉझिटिव्ह आढळला आहे. हा रुग्ण शासकीय वैद्यकीय महाविद्यालय विष्णुपुरी नांदेड येथे उपचारासाठी दाखल आहे. या रुग्णास मधुमेह, उच्च रक्तदाब व दमा यासारखे गंभीर आजार असल्यामुळे प्रकृती गंभीर आहे. या रुग्णाच्या संपर्कातील एकूण 80 व्यक्तींचे स्वॅब घेण्यात आले असून सर्वांचे अहवाल निगेटिव्ह आले आहेत. जनतेने कुठल्याही प्रकारची भीती न बाळगता कोणत्याही अफवावर विश्वास ठेऊ नका, असे आवाहन जिल्हा शल्य चिकित्सक डॉ. निळकंठ भोसीकर यांनी केले आहे.
कोरोना विषाणु संदर्भात आज शनिवार 25 एप्रिल 2020 रोजी सायंकाळी 5 वाजेपर्यंत नांदेड जिल्ह्यात एकूण 962 संशयितांची नोंद झाली आहे. यापैकी घेण्यात आलेले स्वॅब एकूण 649 आहेत. त्यापैकी 605 निगेटिव्ह असून 38 स्वॅब अहवाल प्रलंबित आहेत. आतापर्यंत एकूण 5 स्वॅब तपासणीचा आवश्यकता नसल्याचा निर्वाळा दिलेला आहे.
कोरोना विषाणू संसर्गाबाबत नांदेड जिल्ह्यातील माहिती
▪️एकूण पॉझिटिव्ह रुग्ण- 1
▪️आत्तापर्यंत एकूण क्वारंटाईन - 801
▪️क्वारंटाईन कालावधी पूर्ण - 268
▪️अजून निरीक्षणाखाली असलेले - 161
▪️पैकी दवाखान्यात क्वारंटाईनमध्ये - 38
▪️घरीच क्वारंटाईनमध्ये असलेले - 763
▪️आज तपासणीसाठी नमुने घेतले- 49
▪️एकुण नमुने तपासणी- 659
▪️पैकी निगेटीव्ह - 605
▪️नमुने तपासणी अहवाल बाकी- 38
नाकारण्यात आलेले नमुने - 5
▪️जिल्ह्यात बाहेरून आलेले एकूण प्रवासी 80,663 असून त्यांना त्यांच्या घरीच राहण्याचा सल्ला दिलेला आहे. तसेच त्यांच्या हातावर शिक्केही मारण्यात आले आहेत.
