नागपूर - भरधाव ट्रकच्या धडकेत एका २६ वर्षीय तरुणीचा मृत्यू झाला आहे. ही घटना नागपूर - अमरावती मार्गावर घडली. पूजा तिवारी असे मृत तरुणीचे नाव आहे.
पूजा ओमप्रकाश तिवारी ही तरुणी तिच्या अॅक्टिव्हा गाडीने नागपूर शहराकडे जात असताना एका ट्रकने तिला धडक दिली. ट्रकच्या चाकाखाली आल्याने पूजाचा जागीच मृत्यू झाला. अपघातानंतर थोड्याच वेळात पोलीस घटनास्थळी दाखल झाले. ट्रक चालक शिवलाल शिंदे याला पोलिसांनी अटक केली आहे.