भाजपकडून राज्यातील सर्वच्या सर्व 288 जागांसाठी चाचपणी सुरू - सुधीर मुनगंटीवार

राज्यातील विधासभेच्या 288 जागांवर भाजपचे निरीक्षक गेले आहेत. ते उमेदवार जिंकण्याच्या संभावनांची चाचपणी करत आहेत. यासोबतच कोणती जागा शिवसेनेला देता येईल, याचा देखील ते अभ्यास करत असल्याचे अर्थमंत्री सुधीर मुनगंटीवार यांनी सांगितले.

नागपूर - भाजप आणि शिवसेना एकत्रपणे निवडणूक लढणार असल्याचे बोलले जात असताना भाजपने सर्व 288 जागांसाठी तयारी सुरू केली असल्याच्या वृत्ताला अर्थमंत्री सुधीर मुनगंटीवार यांनी अप्रत्यक्षरित्या येथे दुजोरा दिला. तर विधानसभा निवडणुकीची आचारसंहिता गणेश विसर्जनानंतर केव्हाही लागू शकते, अशी शक्यताही त्यांनी व्यक्त केली.