नागपूर - वेगळा विदर्भ व्हावा या मागणीसाठी गेल्या अनेक वर्षांपासून विदर्भ राज्य समितीच्या वतीने महाराष्ट्र दिन हा काळा दिवस म्हणून पाळला जातो. दरवर्षी आजच्या दिवशी निषेध म्हणून वेगळ्या विदर्भ राज्याची मागणी रेटून धरली जाते. आजही अशाच आगळ्यावेगळ्या पद्धतीने मागणी रेटून धरत विदर्भ राज्य आंदोलन समितीच्या वतीने महाराष्ट्र शासन लिहिलेल्या शासकीय कार्यालयाच्या फलकांवर महाराष्ट्र ऐवजी विदर्भ शासन लिहून निषेध नोंदवला. मध्यरात्रीच्या सुमारास उपराजधानीला नागपुरातील अनेक कार्यालयावर हे फलक लावण्यात आले.
विदर्भ राज्य आंदोलन समितीच्या वतीने खालील ठिकाणी विदर्भ शासन असे बोर्ड लावण्यात आल्याचा दावा करत काही ठिकाणी लावलेले फोटो दिले आहेत. पण शासकीय यंत्रणेला याची चुणूक लागताच सर्वच ठिकाणी लावण्यात आले हे फलक काढण्यात आल्याचेही दिसून आले.
विभागीय आयुक्त कार्यालय
ग्रामीण पोलीस मुख्यालय
बालभारती (प्रेस क्लब च्या बाजूला)
महाराष्ट्र लेखाकार कार्यालयाच्या भिंती
महाराष्ट्र पर्यटन पर्यटन विकास महामंडळ कार्यालय
पशुसंवर्धन विभाग, वायुसेना जवळ फुटाला रोड
महाराज बाग नर्सरी
विदर्भ जीवन प्राधिकरण कार्यालय, सिव्हिल लाईन्स
विदर्भ राज्य बियाणे महामंडळ, तेलंगखेडी
महाराष्ट्र पशुधन विकास मंडळ, तेलंगखेडी
महाराष्ट्र राज्य कृषी व पशुमत्स व्यवसाय कार्यालय, वायूसेना जवळ
हेही वाचा - Maharashtra Day : महाराष्ट्रात विलीन होताना विदर्भाच्या कोणत्या अटी होत्या?; वाचा, काय होता 'नागपूर करार'
