नागपूर - जिल्ह्याच्या सावनेर-पांढुर्णा महामार्गावरील केळवद पोलीस ठाण्याच्या हद्दीत चालकाचा ताबा सुटल्याने चारचाकी उलटून अपघात झाला. यात दोघांचा मृत्यू झाला तर ७ जण गंभीर जखमी झाले आहेत. जखमींवर नागपूरच्या शासकीय रुग्णालयात उपचार सुरू आहेत.
सर्वजण सावनेर येथील कापसाच्या जिनिंगमध्ये कामासाठी जात होते. चारचाकी वाहन छत्रापून शिवारात चालकाचे नियंत्रण सुटले. यामुळे ती चारचाकी चार वेळा उलटली. मारोतराव सरयाम व विनोद भीमराव राऊत (दोघे रा. छिंदवाडा, मध्यप्रदेश) यांचा जागीच मृत्यू झाला. तर जखमींवर सावनेर येथील शासकीय रुग्णालयात प्रथमोपचार करून सर्वांना नागपूर येथील मेयो रुग्णालयात दाखल करण्यात आले आहे.
हेही वाचा - देवेंद्र फडणवीसांनी लपवले फौजदारी गुन्हे, नागपूर न्यायलयाने बजावली नोटीस
