नागपूर - शहरात मागील एक वर्षापासून एका पॉश इमारतीत सुरू असलेल्या देह व्यापार(सेक्स रॅकेट) वर पोलीस विभागाच्या सामाजिक सुरक्षा पथकाने कारवाई केली. यात गरीब कुटुंबातील मुलींना पैश्याचे आमिष देऊन या व्यवसायात ओढत असत. या कारवाईत तीन मुलींची पोलिसांनी सुटका केली आहे. तर पिटा (Immoral Traffic (Prevention) Act, 1956) कायद्याअंतर्गत प्रियांका शोएब अफजल सैय्यद या महिलेवर गुन्हा दाखल करण्यात आला आहे.
स्थानिकांना आला संशय -
नागपूरच्या मनीष नगरमधील दिलीप रेसेडेन्सी येथे प्रियांका ही राहत होती. मागील वर्षभरापासून ती या इमरातीतील फ्लॅट नंबर 402 मध्ये सेक्स रॅकेट चालावत होती. प्रियांका ही 34 वर्षाची आहे. तिचे पती हे हैद्राबादला राहत असून अधूनमधून ते नागपूरला येत होते. पण या व्यतिरिक्त येथे अनेक लोक ये जा करत असल्याने तेथील स्थानिक लोकांना संशय आला. त्यांनी याची माहिती सामाजिक सुरक्षा पथकाचे पोलीस निरीक्षक ज्ञानेश्वर भोसले यांना मिळाली होती. यावरून त्यांनी सापळा रचून कारवाई केली. या कारवाईत वेश्या व्यवसायात अडकलेल्या तीन मुलींची सुटका करण्यात पोलिसांना यश आले आहे. तर याप्रकरणी प्रियांकावर पिटा कायद्याअंतर्गत गुन्हा दाखल करण्यात आला आहे.
बोगस पंटरच्या साह्याने रचला सापळा -
कारवाई करण्यासाठी व त्यांना घटनास्थळी पकडण्यासाठी एक बोगस पंटर पाठवण्यात आला. त्याने ठरल्याप्रमाणे 401 नंबरच्या फ्लॅटमध्ये एजंट म्हणून काम करणाऱ्या प्रियांका शोएब अफजल सैय्यद या महिलेशी बोलणी करून 5 हजार रुपयांत व्यवहार पूर्ण होताच माघावर असलेल्या पोलिसांना माहिती दिली. त्यानुसार आम्ही कारवाई करत गुन्हा करतांना तीला घटनास्थळी पकडण्यात आम्हाला यश आले अशी माहिती पीएसआय मंगला हरडे यांनी दिली आहे.
दक्ष नागरिक आणि पोलिसांच्या सतर्कतेने तीन मुलींची झाली सुटका -
बेलतरोडी पोलीस स्टेशनच्या महिला पीएसआय मंगला हरडे आणि पोलीस कर्मचारी यांनी छापा टाकला. यावेळी तीन मुली मिळून आल्या होत्या. यात तिन्ही मुली या सामान्य कुटुंबातील असल्याचे पोलिसांना त्यांना ताब्यात घेऊन सोडून दिले. जास्त पैसे मिळवण्याचे आमिष देऊन मुलीकडून देह विक्री करून घेण्याचे हे रॅकेट मागील वर्षभरापासून सुरू होते. पण उशिरा का होईना स्थानिक नागरिकांना संशय आला व त्यांनी याची माहिती पोलिसांना दिली. अखेर पॉश अपार्टमेंटमध्ये सुरू असलेल्या सेक्स रॅकेटचा गोरखधंदा बंद करण्यात पोलिसांना यश आले आहे.
