नागपूर - जिल्ह्यातील उमरेड तालुक्यातील चंपा येथे राज्य उत्पादन शुल्क, नागपूर विभागाच्या भरारी पथकाने छापा टाकला. कारवाईमध्ये त्यांनी तब्बल १ हजार ६०० लिटर मोहाची दारू जप्त केली आहे.
नागपूरात दीड हजार लिटर दारूसाठा जप्त
नागपूर शहरातील पचपावली परिसरात उमरेड तालुक्यातील चंपा येथून दारू आणली जात होती. त्यासाठी ते तस्कर चक्क ट्यूबमध्ये दारू साठवून दारूची तस्करी करत होते. या तस्करीची माहिती मिळताच राज्य उत्पादन शुल्क विभागाने छापा टाकला. या कारवाईत तब्बल २१ रबरी ट्युबमधून प्रत्येकी ८० लिटर दारू जप्त केली आहे. यावेळी एकूण ४ लाख ८० हजारांचा मुद्देमाल पोलिसांनी जप्त केला आहे.
हमीद शेख इज्राईल या वाहन चालकाला पोलिसांनी अटक केली आहे. मात्र, दारू तस्करी करणारा अद्याप फरार आहे.
