नागपुरात रविवारी कोरोनामुळे 62 रुग्णांचा मृत्यू, 4 हजार 110 नव्या बाधितांची भर

नागपूर जिल्ह्यात कोरोना बाधितांच्या मृत्यूची संख्या सातत्याने वाढत आहे. शनिवारी यात थोडी घट होऊन पन्नाशीच्या आत असलेली मृत्यूसंख्या रविवारी पुन्हा वाढून 62 वर जाऊन पोहचली आहे. तर नव्याने कोरोना बाधित 4 हजार 110 रुग्णांची भर पडली आहे.

नागपूर - नागपूर जिल्ह्यात कोरोना बाधितांच्या मृत्यूची संख्या सातत्याने वाढत आहे. शनिवारी यात थोडी घट होऊन पन्नाशीच्या आत असलेली मृत्यूसंख्या रविवारी (ता. 4 एप्रिल) पुन्हा वाढून 62 वर जाऊन पोहचली आहे. तर नव्याने कोरोना बाधित 4 हजार 110 रुग्णांची भर पडली आहे. यासाठी मोठ्या प्रमाणात लसीकरण मोहिमेला अधिक जलदगतीने वाढवण्यासाठी, लसीकरण सेंटर वाढवण्यात आले आहेत. लसीकरण सेंटरची संख्या 237 वर पोहचली आहे.

नागपूर जिल्ह्यात 18 हजार 135 संशयितांची चाचणी करण्यात आली आहे. यामध्ये शहरात 2 हजार 906 बाधित मिळाले. तर 29 रुग्ण रविवारी दगावले आहेत. ग्रामीण भागात 1 हजार 200 बाधित मिळून आले असून 29 जणांचा मृत्यू झाला. जिल्ह्यात अॅक्टिव्ह रुग्णाची संख्या 41 हजार 371 इतकी झाली आहे.

रुग्णांची संख्या वाढत असल्याने बेडची संख्या वाढवण्याचे काम सध्या मोठ्या प्रमाणात सुरू आहे. मेडिकल कॉलेजमध्ये 600 बेड होते. यात ऑक्सिजन, व्हेंटिलेट बेड तसेच सारी यासाठीचे 100 बेड वाढवण्यात आले असून आता बेडची संख्या 700 वर पोहोचली आहे.

पूर्व विदर्भात परिस्थिती पाहता यात 6 हजार 103 नवे बाधितांची भर पडली आहे. यात नागपूर जिल्ह्यात 4 हजार 110 बाधित मिळाले असून 3 हजार 497 कोरोना मुक्त झाले आहे. भंडारा 844, चंद्रपूर, 365, गोंदिया 309, वर्धा 417 तर गडचिरोली 58 बाधित नवीन मिळाले आहे. यात 69 जणांचा मृत्यू झाला असून 4 हजार 439 जण हे कोरोनातून मुक्त झाले आहेत.

हेही वाचा - कोरोना परिस्थितीवर आजच्या बैठकीत निर्णय होण्याची शक्यता- नितीन राऊत

हेही वाचा - आम्ही सहकार्य करायचं आणि तुम्ही राजकारण करायचे हे योग्य नाही, फडणवीसांनी सत्ताधाऱ्यांना सुनावलं