नागपूर - शहरात दिवसेंदिवस कोरोना रुग्णांची संख्या वाढत आहे. मागील तीन दिवसात रोज दोन हजारपेक्षा अधिक रुग्ण आढळून येत आहेत. रुग्णसंख्येत वाढ होऊ नये म्हणून नागपूर शहरात दोन दिवसांचे मिनीलॉकडाऊन जाहीर करण्यात आले आहे. या लॉकडाऊनदरम्यान आत्यावश्यक सेवेसोबत दारूची दुकानेही खुली ठेवण्यात परवानगी देण्यात आली आहे. मात्र, दारूच्या दुकांनांना देण्यात आलेल्या परवानगीवर नागरीकांनी आक्षेप घेतला आहे.
महापौरांकडून पाहाणी
नागपूरात मिनी लॉकडाऊन असल्याने माहापौर दया शंकर तिवारी यांनी बाजारपेठेचा आढावा घेतला. यावेळी नागरिकांनी कोरोना नियमाचे पालन करावे असे आवाहन त्यांनी केले आहे. सुरुवातीला महापौरांकडून इतवारी भागाची पहाणी करण्यात आली. यानंतर शहरातील गजबलेल्या गोकुलपेठ परिसराची पहाणी करण्यात आली.
नागपूरात मोठया प्रमाणात नागरिक मास्क योग्यरित्या लावत नसल्याचे सुद्धा दिसून येत आहे. बरेच लोक हे चेहऱ्यावर मास्क लावत आहे. नाक आणि तोंड झाकले जावे, अशा पद्धतीने मास्क लावण्याचे आवाहन महापौरांनी केले आहे. नागपूरात मनपाच्यावतीने मास्क न लावणाऱ्यावर दंडात्मक कारवाई करण्यात येत आहे. आत्तापर्यंत मनपाने ३४ हजार लोकांवर कारवाई करत जवळजवळ १ कोटी ५३ लाख ६७ हजार रुपये दंड वसूल केला आहे.
