नागपूर: जी-20 देशाच्या प्रतिनिधींची एक बैठक 20 ते 22 मार्च या काळात नागपूरमध्ये आयोजित करण्यात आलेली आहे. दोन दिवसीय बैठकीच्या पार्श्वभूमीवर शहराला नवीन रूप रंग आणि चकाचक करण्याचे काम युद्ध पातळीवर सुरू आहे. शहरात सर्व यंत्रणा दुरुस्त करण्यात येत आहे. वाहतूक सिग्नलवर भिकाऱ्यांचा त्रास सर्वसामान्य वाहनधारकांना होत आहे.
पोलीस आयुक्तांची जारी केला नोटीस : शहरात असे निदर्शनास आले आहे की, भिकारी म्हणून उभे असलेले काही लोक एकट्याने किंवा एकत्रितपणे विविध ट्रॅफिक जंक्शनवर एकत्र जमतात आणि वाहनचालक आणि इतर जाणाऱ्यांना त्रास देतात. ते वाहनचालकांकडून पैशांची मागणी करून आक्षेपार्ह कृत्ये करून अप्रत्यक्षपणे लोकांना पैसे देण्यास भाग पाडत असल्याचे निदर्शनास आले आहे. असे लोक अनधिकृतपणे फूटपाथ, ट्रॅफिक आयलंड, डिव्हायडर इत्यादींवर कब्जा करून रहदारीच्या सुरळीत प्रवाहात तसेच पादचाऱ्यांच्या हालचालींना अडथळा निर्माण करत आहेत. त्यामुळे सार्वजनिक उपद्रव होत आहे. हे ही लक्षात आले आहे की, ही कृत्ये कायद्याच्या विविध कलमांखाली गुन्हा असूनही अशा घटकांच्या भीतीमुळे लोक अशा घटकांविरुद्ध तक्रार करण्यास पुढे येत नाहीत. म्हणूनच अशा प्रकारच्या उपद्रव आणि मोठ्या प्रमाणावर लोकांसाठी धोक्याची शक्यता टाळण्यासाठी, आदेश दिले आहेत.
