नागपूर - शहरात एक-दोन नव्हे तर तब्बल २९ शाळेत डेंग्यूच्या अळ्या आळून आल्या आहेत. शाळेच्या छतावर साचलेल्या पाण्यात हजोच्या संख्येने डेंग्यूच्या अळ्या आहेत. नागपूर महानगरपालिकेच्या आरोग्य विभागाने केलेल्या तपासणीत हे धक्कादायक वास्तव पुढे आले आहे.
हेही वाचा- खड्ड्यांमुळे नागपूरकरांची दमछाक, न्यायालयाने महापालिकेला फटकारले
एका शाळेत २५० विद्यार्थी शिकतात तर २९ शाळेत पाच हजारच्या आसपास विद्यार्थी शिकतात. डेंग्यूच्या अळ्या असलेल्या या शाळांमध्ये रोज हजारो विद्यार्थ्यांचा जीव धोक्यात घातला जातो. नागपूर महानगरपालीकेने या सर्व शाळांना नोटीस बजावलीय. नागपूर शहरात यावर्षी ६९ डेंग्यूचे रुग्ण आढळून आले. यात सर्वाधिक लहान मुले आणि १५ वर्षाखालील विद्यार्थ्यांचा समावेश आहे. शाळांमधील डेंग्यूच्या अळ्यांमुळे मुलांच्या आरोग्याला धोका असून पालकांमध्येही भितीचे वातावरण निर्माण झाल आहे.
