Ganesh Chaturthi 2022 गणेशोत्सवाचे बदलते स्वरूप,माती ऐवजी कायमस्वरूपी धातूच्या गणेश मूर्त्यांची नागपुरात वाढली मागणी

पर्यावरण पूरक गणेशोत्सव साजरा Ganeshotsav 2022 करण्याचे मानस असलेल्या अनेक गणेशभक्तांचा शाडू मातीच्या मूर्तींना पसंती असते. मात्र, यंदा मूर्तींच्या भावात ३० ते ४० टक्क्यांनी वाढ झाली आहे. याच पार्श्वभूमीवर तसेच वर्षभर बाप्पा आपल्या सोबत असावा या विचारातून अनेक गणेश भक्तांचा पितळी मूर्ती Metal Ganesha Idols खरेदी करण्याकडे कल असल्याचे दिसून येत आहे. Devotees In Nagpur Preferred Brass Ganesh

नागपूर सण आणि उत्सवप्रिय आपल्या देशात गणेशोत्सवाला Ganeshotsav 2022 फार महत्त्व आहे. मात्र, बदलत्या काळानुसार आता गणेशोत्सवाचे स्वरूप देखील हळूहळू बदलू लागले आहे. निसर्गाला नुकसान न पोहचू देता पर्यावरणपूरक गणेशोत्सव साजरा करण्याची संकल्पना रुजायला सुरुवात झाली आहे. त्याचबरोबर गणेश उत्सव साजरा करण्याच्या पारंपरिक पद्धतीत देखील बदल होत असल्यास आपल्याला बघायला मिळत आहे. माती किव्हा प्लास्टर ऑफ पॅरिसच्या मूर्त्यांमुळे जलाशये प्रदूषित होत असल्याने आता याला पर्याय म्हणून कायमस्वरूपी बाप्पा ही अभिनव संकल्पना पुढे येत आहे, त्यानुसार विविध धातू पासून तयार गणेश मूर्तीची Metal Ganesha Idols स्थापना करण्याचा ट्रेंड सुरू झाला आहे. शाडू मातीच्या मुर्त्याचे दर दरवर्षी वाढत असल्याने पर्याय म्ह्णून धातू पासून तयार गणेशमूर्त्यांची मागणी वाढली Devotees In Nagpur Preferred Brass Ganesh आहे. धातू मध्ये मेटल, पितळ, पंचधातू आणि व्हाईट मेटलच्या गणेश मूर्त्यांना विशेष मागणी आहे.

कायमस्वरूपी तोडगा वरदविनायक गणपती बाप्पाच्या आगमनाची उत्सुकता सगळ्यांनाच लागलेली आहे. तब्बल दोन वर्षांनंतर बुधवारी बाप्पाचे धुमधडाक्यात आगमन होणार आहे. दहा दिवस गणपती बाप्पाची मनोभावे सेवा केल्यानंतर अखेर बाप्पांना निरोप द्यावाचं लागतो. गणेशभक्त जड मनाने बाप्पाचे विसर्जन करतो. विसर्जनानंतर मूर्त्यांची होणारी अवस्था आणि अवहेलना भक्तांना बघवली जात नाही. गणेश भक्तांच्या भावना दुखावल्या जातात, त्याचबरोबर विघ्नहर्ताच्या विसर्जनामुळे जलाशय प्रदूषित होऊन त्यात राहणाऱ्या जीवांवर विघ्न येत. ही बाब लक्षात घेऊन गणेश मूर्त्यांचे विसर्जन जलाशयांमध्ये न करता कृत्रिम टाक्यांमध्ये करावे असा आग्रह धरला जातो आहे. मात्र, हा कायमस्वरूपी तोडगा नसल्याने या वर गणेशभक्तांनी पर्याय शोधला आहे. एकदाचे गणपती बाप्पाची धातू पासून तयार मूर्ती विकत घेऊन त्याचं मूर्तीची दरवर्षी स्थापना करावी, त्यानंतर वर्षभर धातूची गणेशमूर्ती सुरक्षित जतन करून ठेवता येते, त्यामुळे पर्यावरणाचे नुकसान देखील होत नाही आणि दरवर्षी महागड्या विकत देखील घ्याव्या लागत नाही अशी भावना भक्तांकडून व्यक्त केली जाते आहे.

मातीच्या गणेशमूर्त्यांचे दर ३० टक्यांची वाढले शाडू माती पासून तयार गणपती बाप्पाच्या मूर्त्यांना सर्वाधिक मागणी आहे. मात्र,शाडू मातीच्या मूर्त्यांचे दर दरवर्षी वाढते असल्याने एक फुटाच्या मूर्तीची किंमत दोन हजार रुपये इतकी झाली आहे. कोरोना नंतर यावर्षी सार्वजनिकरित्या साजरा होत असलेल्या गणेशोत्सवात मूर्त्यांची मागणी प्रचंड वाढली असताना शाडू मातीच्या मूर्त्यांच्या किमती तब्बल २५ ते ३० टक्यांची वाढले आहेत, त्यामुळे आता धातू पासून निर्मिती गणपती बाप्पाच्या मूर्त्यांची मागणी वाढत आहे.

धातूच्या मुर्त्यांची मागणी वाढली पर्यावरणपूरक गणेशोत्सव साजरा करण्याच्या संकल्पने अंतर्गत विविध धातूंपासून तयार गणेश मूर्त्यांची मागणी दरवर्षी वाढत आहे. यावर्षी सुद्धा धातू पासून निर्मित गणेश मूर्ती विकत घेण्यासाठी ग्राहक गर्दी करत असून या वर्षी ३० टक्यांची विक्री वाढली आहे. त्यातही पंचधातू आणि पितळच्या मूर्त्यांना सर्वाधिक मागणी आहे.

हेही वाचा Ganeshotsav 2022 हौशी कलाकार शेषराव कोरे यांची अनोखी भक्ती, ३० वर्षांपासून मंडळासाठी घडवतात निशुल्क मूर्ती