नागपूर - दानापूर-सिकंदराबाद या एक्सप्रेसमधून ३५ बालमजुरांची सुटका करण्यात आली आहे. नागपूर रेल्वे सुरक्षा बलामार्फत (आरपीएफ) ही कारवाई करण्यात आली.
कारवाई बद्दल माहिती देताना आरपीएपच्या अधिकारी
दानापूर-सिकंदराबाद या एक्सप्रेसमधून बालमजूर नेत असल्याची माहिती आरपीएफला चाईल्ड लाईनद्वारे मिळाली. त्यानुसार आरपीएफ सुरक्षा आयुक्त आशुतोष पांडे यांनी सापळा रचला. त्यानंतर चाईल्ड लाईनच्या मदतीने दानापूर-सिकंदराबाद या एक्सप्रेसमधून त्या २६ मुलांची सुटका करण्यात आली. त्यांना नागपूर चाईल्ड लाईनकडे सुपूर्द करण्यात आले.
सर्व मुले १२ ते १८ वर्ष वयाच्या आतील आहे. ते बिहार व मध्यप्रदेश राज्यातील विविध भागातील असून त्यांना मजुरीसाठी सिकंदराबाद येथे कामासाठी घेऊन जात असल्याचे बालकांनी चाईल्ड लाईनला सांगितले. त्यानुसार आरपीएफ पुढील तपास करीत आहे.
