निवडणूक पार पाडण्यासाठी आम्ही सज्ज - मुख्य निवडणूक अधिकारी बलदेव सिंग

आतापर्यंत नोंद झालेले राज्यात  एकूण ८ कोटी ९३ लाख २१२ मतदार आहेत. अजूनही मतदार नोंदणी सुरू आहे, शेवटच्या दिवशीपर्यंत ही नोंदणी होणार असल्याचेही त्यांनी सांगितले. ईव्हीएमचा वापर याविषयी सर्व जिल्ह्यात जनजागृती सुरू करण्यात आली आहे.

मुंबई- भारत निवडणूक आयोगाने राज्याच्या विधानसभेच्या निवडणुकाचा कार्यक्रम जाहीर झाल्यापासून आदर्श आचररसंहिता लागू केली. त्यासाठीची कार्यवाही सुरू झाली आहे. राज्यात शांततापुर्वक आणि पारदर्शकतेने निवडणूक पार पाडण्यासाठी आमची तयारी झाली असल्याचे राज्याचे मुख्य निवडणूक अधिकारी बलदेव सिंग यांनी सांगितले.

हेही वाचा- जनता युती सरकारला त्रासली असून आम्हाला पुन्हा सत्तेत बसवणार - बाळासाहेब थोरात

आतापर्यंत नोंद झालेले राज्यात एकूण ८ कोटी ९३ लाख २१२ मतदार आहेत. अजूनही मतदार नोंदणी सुरू आहे. शेवटच्या दिवशीपर्यंत ही नोंदणी होणार असल्याचेही त्यांनी सांगितले. ईव्हीएमचा वापर याविषयी सर्व जिल्ह्यात जनजागृती सुरू करण्यात आली आहे. त्यासाठीची माहिती आम्ही देत आहोत. दिव्यांग मतदारांसाठी विशेष प्रयत्न केल्याचेही त्यांनी सांगितले. मतदान केंद्रात ज्या सोयी-सुविधा असायला पाहिजे त्या सर्व सुविधा उपलब्ध करुन दिल्या जाणार आहेत.

हेही वाचा- जनतेचा आशीर्वाद आम्हालाच! 'राज्यात भाजप महायुतीचेच सरकार येईल'

मागील विधानसभा निवडणूकीत २००९ मध्ये ५० टक्के आणि २०१४ मध्ये ६०.३२ टक्के मतदान झाले हेाते. यावेळी ही टक्केवारी वाढावी यासाठी आम्ही प्रयत्न करत आहोत. मागील निवडणूकीत ९१ हजार ३२९ मतदान केंद्र होते. आता ९६ हजार ३४३ मतदान केंद्रे आहेत. प्रशिक्षण दिलेले कर्मचारी निवडणूक केंद्रावर असणार आहेत. त्यामुळे मतदानावेळी कोणताही गोंधळ उडणार नाही. यावेळी 1.8 लाख मतदान यंत्रे वापरात येणार आहेत. निवडणूक खर्चावर लक्ष ठेवण्यासाठी दोन विशेष निरीक्षक असणार आहेत. आचारसंहितेचे कोणी पालण करत नसेल तर त्याविरुद्ध तक्रार करण्यासाठी निवडणूक आयोगाने आयटी ॲपलीकेशन तयार केलेले आहे. त्याव्दारे लगेच दखल घेऊन कारवाई केली जाणार आहे. तसेच तक्रार करण्यासाठी माहिती, मिळवण्यासाठी १९५० हा हेल्पलाईन नंबर जारी करण्यात आला असल्याचे बलदेव सिंग यांनी सांगीलते.