मुंबई - अंडरवर्ल्ड डॉन दाऊद इब्राहिम पुन्हा सक्रिय झाला असून मुंबईमध्ये दहशतवादी कारवाया करिता टेरर फंडिंग सुरत मार्फत मुंबईत हवालामार्फत 25 लाख रुपये आले असल्याचा दावा राष्ट्रीय तपास संस्थे एनआयएने केला आहे. तर चार वर्षांमध्ये हवालामार्फत दहशतवादी कारवाया करिता 12 कोटी रुपये आल्या असल्याचा दावा देखील एनआयएने आरोप पत्रात केला आहे. त्यामुळे दाऊद इब्राहिम पुन्हा दहशतवादी कारवाया करण्यासाठी मुंबईला टारगेट करत असल्याची माहिती समोर आली आहे.
डी कंपनीच्या वतीने हे पैसे दुबई आणि सुरतमार्गे मुंबईला पाठवण्यात आले होते. एनआयएने दाऊद इब्राहिम, छोटा शकील, त्याचा मेहुणा मोहम्मद सलीम कुरेशी उर्फ सलीम फ्रूट आणि दोन्ही आरिफ अबुबकर शेख आणि शब्बीर अबुबकर शेख यांच्याविरुद्ध आरोपपत्र दाखल केले आहे. या रकमेसाठी कोडही वापरण्यात आल्याची माहिती देण्यात आली आहे.
अंडरवर्ल्ड डॉन दाऊद इब्राहिमने दहशतवादी कारस्थान करण्यासाठी २५ लाख रुपये मुंबईत पाठवल्याची माहिती समोर आली आहे. हे आरोपपत्र मुंबई न्यायालयात दाखल करण्यात आले असून त्यात मुंबईत हवालाद्वारे कोट्यवधी रुपयांचा टेरर फंडिंग केल्याचा उल्लेख आहे. दाऊद इब्राहिम उर्फ शेख दाऊद हसन आणि शकील शेख उर्फ छोटा शकील व्यतिरिक्त या आरोपपत्रात अटक करण्यात आलेले तीन आरोपी आरिफ अबुबकर शेख, शब्बीर अबुबकर शेख आणि मोहम्मद सलीम कुरेशी उर्फ सलीम फ्रूट यांची नावे आहेत.
अंडरवर्ल्ड डॉन दाऊद इब्राहिम च्या अनधिकृत कामाला पैसे पुरवण्याच्या आरोपाखाली मे महिन्यात अटक करण्यात आलेल्या आरोपी विरोधात मुंबई सत्र न्यायालयातील विशेष एनआयए कोर्टामध्ये आरोप पत्र दाखल करण्यात आले आहे अनेक पुरा इलेक्ट्रॉनिक पुराव्यासह 1 हजार पानाचं आरोप पत्र असल्याची माहिती मिळाली आहे. तसेच या प्रकरणातील दोन फरार आरोपी म्हणून दाऊद इब्राहिम आणि छोटा शकील यांना आरोप पत्रात दाखवण्यात आले आहे.
राष्ट्रीय तपास यंत्रणेने मे महिन्यामध्ये महाराष्ट्रात सह मुंबई अनेक ठिकाणी छापेमारी केली होती अंडरवर्ल्ड डॉन दाऊद इब्राहिमच्या कारवायांना मुंबईतून पैसा पुरवण्यात येत असल्याच्या आरोपाखाली छापेमारी करण्यात आली होती त्यानंतर या प्रकरणात दाऊद इब्राहिम चा साथीदार छोटा राजन चा मेव्हणा सलीम फ्रुटला, आरिफ अबुबकर शेख आणि शब्बीर अबुबकर शेख यांना अटक करण्यात आले होते.
अंडरवर्ल्ड डॉन दाऊद इब्राहिमने दहशतवादी कारस्थान करण्यासाठी 25 लाख रुपये मुंबईत पाठवल्याची माहिती समोर आली आहे. हे आरोपपत्र मुंबई न्यायालयात दाखल करण्यात आले असून त्यात मुंबईत हवालाद्वारे कोट्यवधी रुपयांचा टेरर फंडिंग केल्याचा उल्लेख आहे. दाऊद इब्राहिम उर्फ शेख दाऊद हसन आणि शकील शेख उर्फ छोटा शकील व्यतिरिक्त या आरोपपत्रात अटक करण्यात आलेले तीन आरोपी आरिफ अबुबकर शेख, शब्बीर अबुबकर शेख आणि मोहम्मद सलीम कुरेशी उर्फ सलीम फ्रूट यांची नावे आहेत. या आरोपपत्रात एनआयएने स्पष्टपणे लिहिले आहे की डी कंपनी पुन्हा एकदा मुंबईत दहशतवादी सिंडिकेट तयार करण्याचा प्रयत्न करत आहे. येथे दहशतवादी कारवाया करता याव्यात यासाठी दाऊद इब्राहिम हवालाद्वारे कोट्यवधी रुपये देशाला कसे पाठवत असे, असेही आरोपपत्रात नमूद करण्यात आले आहे.
आरोपपत्रानुसार, अंडरवर्ल्ड डॉन दाऊद इब्राहिमने दहशतवादी कट रचण्यासाठी मुंबईत २५ लाख रुपये पाठवले होते. मुंबईत दहशतवादी कारवाया आणि मोठ्या घटना घडवण्यासाठी दाऊद इब्राहिम आणि त्याचा जवळचा साथीदार छोटा शकीलने दुबईमार्गे पाकिस्तानातून 25 लाख रुपये पाठवले होते. आरोपपत्रानुसार हा पैसा सुरतमार्गे भारतात आला होता आणि नंतर मुंबईला पोहोचला होता.
हे पैसे हवालाद्वारे आरिफ शेख आणि शब्बीर शेख यांना देण्यात आले. आरोपपत्रात असेही म्हटले आहे की, 4 वर्षात हवालाद्वारे दहशतवादी फंडिंगसाठी सुमारे 12 ते 13 कोटी रुपये भारतात पाठवले गेले आहेत. एनआयएने आपल्या आरोपपत्रात म्हटले आहे की, पाकिस्तानातून भारतात आणलेले २५ लाख रुपये दहशतवादी कारवाया करण्यासाठी पाठवण्यात आले होते.
एनआयएने दावा केला आहे की शब्बीरने 5 लाख रुपये ठेवले होते आणि उर्वरित रक्कम एका साक्षीदारासमोर आरिफला दिली होती. 9 मे 2022 रोजी शब्बीरच्या घराची झडती घेतली असता त्याच्याकडून 5 लाख रुपये जप्त करण्यात आल्याचे एनआयएने म्हटले आहे. या वर्षी 3 फेब्रुवारी रोजी, NIA च्या मुंबई शाखेने FIR मध्ये IPC आणि महाराष्ट्र कंट्रोल ऑफ ऑर्गनाइज्ड क्राइम ऍक्ट, 1999 म्हणजेच MCOCA ची अनेक कलमे जोडली.
