मुंबई - टीव्ही सीरियल कलाकार रुही सिंग हिने मद्यपान केलेल्या अवस्थेत चारचाकी चालवत मंगळवारी पहाटे २.३० च्या दरम्यान रस्त्यावरील ७ वाहनांना ठोकर देत पळण्याचा प्रयत्न केला. खार पोलीस ठाण्याच्या हद्दीत ही घटना घडली आहे. या घटनेत रस्त्यावर उभ्या अडलेल्या ३ चारचाकी वाहने, ४ मोटार सायकलचे नुकसान झाले आहे.
टीव्ही अभिनेत्री रुही सिंग हिने मद्यधुंदावस्थेत भरधाव कार चालवत ७ वाहनांना धडक आहे.
वाहनांना ठोकर दिल्यानंतर रुही सिंग हिने जागेवरून पळ काढला होता. मात्र, स्थानिक नागरिकांनी हिला तात्काळ अडवून ठेवले होते. यावेळी रुही सिंग हिने पोलीस व स्थानिक नागरिकांशी वाद घालण्यास सुरुवात केली. तसेच एका पोलीस अधिकाऱ्यांची वर्दीतील नेम प्लेट सुद्धा तिने हिसकावून घेतली होती. खार पोलीस ठाण्यात रुही सिंग व तिच्या २ मित्रांच्या विरोधात गुन्हा नोंदविण्यात आला आहे.
