मुंबई - भारत चीन सीमेवरील तणावाच्या पार्श्वभूमीवर आज पंतप्रधान नरेंद्र मोदी लेहमध्ये दाखल.. जगभरात पसरलेल्या कोरोना महामारीचा सामना करणारी लस भारतात विकसित झाली आहे.. १५ ऑगस्टला उपलब्ध होण्याची शक्यता... या सारख्या महत्वाच्या १० बातम्यांचा आढावा वाचा ईटीव्ही भारतवर...
नवी दिल्ली - देशात कोरोनाच्या वाढत्या प्रभावात एक दिलासादायक बातमी समोर आली आहे. येत्या 15 ऑगस्टपर्यंत कोरोनावरची लस 'कोवैक्सीन' लॉन्च होऊ शकते. भारतीय वैद्यकीय संशोधन परिषदचे (आयसीएमआर) महासंचालक बलराम भार्गव यांनी भारत बायोटेक आणि वैद्यकीय महाविद्यालयांचे मुख्य तपासनीस यांना लिहलेल्या पत्रात म्हटले की, स्वदेशी कोरोना लस कोवैक्सीनची चाचणी प्रक्रिया वेगाने पूर्ण करा ज्यामुळे या वैद्यकीय चाचणीचा निकाल 15 ऑगस्टपर्यंत येऊ शकेल.
वाचा सविस्तर -15 ऑगस्टपर्यंत लाँच होऊ शकते देशातील पहिली कोरोनावरची लस
नवी दिल्ली - पंतप्रधान नरेंद्र मोदी आणि चिफ ऑफ डिफेन्स स्टाफचे प्रमुख बिपीन रावत हे लेह येथे दाखल झाले आहेत. आज (शुक्रवारी) माध्यमांना कल्पना न देता पंतप्रधान लडाखला गेले असल्यामुळे सर्वांना आश्चर्य वाटत आहे. सुत्रांनी दिलेल्या माहितीनुसार सीडीएस प्रमुख रावत भारत-चीन लडाख येथील सद्यपरिस्थितीवर पंतप्रधानांना माहिती देणार आहेत.
वाचा सविस्तर - पंतप्रधान नरेंद्र मोदींसह सीडीएस प्रमुख बिपीन रावत लेहमध्ये दाखल
श्रीनगर(जम्मू काश्मीर)- केंद्रीय राखीव पोलीस दलाचा जवान आणि एका पाच वर्षाच्या मुलावर गोळी चालवलेल्या दहशतवाद्याचा एन्काऊंटर सुरक्षा दलांकडून करण्यात आला आहे. ही घटना गुरुवारी घडली आहे.
वाचा सविस्तर-बीजबेहरा येथे सुरक्षा दलांकडून एका दहशतवाद्याचा एन्काऊंटर
चंद्रपूर - मागील पाच महिन्यांत जिल्ह्यात 31 शेतकऱ्यांनी आत्महत्या केल्या. अशा शेतकऱ्यांची प्रकरणे निकाली काढून पात्र आत्महत्या केलेल्या शेतकऱ्याच्या कुटुंबाला 1 लाख शासकीय मदत दिली जाते. मात्र, मागील पाच महिन्यात यासंबंधी एकही बैठक झाली नाही. त्यामुळे एकाही पात्र कुटुंबाला याचा लाभ मिळाला नाही. यासंदर्भातील बातमी 'ईटीव्ही भारत'ने प्रकाशित केली होती. ही बातमी प्रकाशित होताच जिल्हाधिकारी यांच्या निर्देशानुसार तत्काळ बैठक घेण्यात आली. यात 17 आत्महत्याग्रस्त शेतकऱ्यांची प्रकरणे पात्र ठरली आहेत. लवकरच त्यांना शासनाची मदत राशी दिली जाणार आहे.
वाचा सविस्तर -ईटीव्ही भारत इम्पॅक्ट : 5 महिन्यांनंतर 'त्या' शेतकऱ्यांची प्रकरणे निकाली, 17 आत्महत्याग्रस्त कुटुंबीयांना मिळणार लाभ
पुणे - नात्यावरचा विश्वास उडून जाणारी एक धक्कादायक घटना उघडकीस आली आहे. एका व्यक्तीने स्वतःच्या अल्पवयीन चुलत पुतणीला पैसे मिळवून देण्याच्या अमिष दिले. याानंतर तिला बुलडाणा येथून पुण्यात आणले आणि देहविक्री करण्यास भाग पाडले. याप्रकरणी आरोपी काका-काकूंना अटक करण्यात आली आहे. हडपसर पोलिसांनी ही कारवाई केली. तर पीडित मुलीची सुटका करत तिची रवानगी आई-वडिलांकडे केली.
वाचा सविस्तर -धक्कादायक..! अल्पवयीन पुतणीला पैशाचे आमिष दाखवून पुण्यात आणले आणि.....
मुंबई- प्रसिद्ध नानावटी रुग्णालयात कोरोना संक्रमित रुग्णांकडून अवाजवी बील आकारण्याच्या संदर्भात मुंबईतील सांताक्रुझ पोलीस ठाण्यामध्ये रुग्णालयाच्या संचालकांच्या विरोधात गुन्हा दाखल करण्यात आलेला आहे.
वाचा सविस्तर -कोरोनावरील उपचारांसाठी अवाजवी बील घेणे पडले महागात; 'या' प्रसिद्ध रुग्णालया विरोधात गुन्हा दाखल
हैदराबाद - बॉलिवूडच्या प्रसिद्ध नृत्यदिग्दर्शिका सरोज खान यांनी आज (शुक्रवारी) वयाच्या 72 व्या वर्षी मुंबईतील बांद्रा येथे असलेल्या गुरु नानक रुग्णालयात अखरेचा श्वास घेतला. 'मास्टर जी' म्हणून सरोज सर्वांच्या लाडक्या होत्या.
वाचा सविस्तर -बॉलिवूडमधील सर्वांच्या लाडक्या 'मास्टर जी' सरोज खान
मुंबई - कोरोनाचा प्रभाव मुंबईसह उपनगरात दिवसेंदिवस वाढत आहे. अशा परिस्थितीतही बेस्ट उपक्रमाद्वारे अत्यावश्यक सेवेतील कर्मचाऱ्यांना वाहतूक सेवा दिली आहे. यासाठी बेस्ट कामगारांना 100 टक्के उपस्थितीचे आदेश देण्यात आले आहेत. कर्मचाऱ्यांच्या उपस्थितीमुळे कोरोनाचा प्रभाव आणखी वाढणार आहे. म्हणून बेस्टमध्ये 100 टक्के उपस्थिती लागू करण्यास आमचा विरोध असल्याची माहिती बेस्ट कामगार क्रांती संघाचे सरचिटणीस विठ्ठलराव गायकवाड यांनी दिली
वाचा सविस्तर-'मुंबईतील कोरोनाची वाढती रुग्णसंख्या बघता '100 टक्के' उपस्थिती नकोच'
सिंधदुर्ग - मालवण तालुक्यातील तारकर्ली येथे एकाच ठिकाणी कोब्रा जातीची तब्बल 23 पिल्ले आढळून आली आहेत. एवढ्या मोठ्या प्रमाणात पिल्ले मिळण्याची राज्यातील ही पहिलीच घटना आहे. 'वाईल्ड लाईफ इमर्जन्सी रेस्क्यू सिंधुदुर्ग' या संस्थेच्या सदस्यांनी या पिल्लांची सुटका करत त्यांना वनविभागाकडे सुपूर्द केले आहे.
वाचा सविस्तर-तारकर्ली येथे एकाच ठिकाणी सापडली कोब्रा जातीची तब्बल २३ पिल्ले
मुंबई - महाराष्ट्र आरोग्य विज्ञान विद्यापीठामार्फत घेण्यात येणाऱ्या वैद्यकीय (एमबीबीएस) अभ्यासक्रमांच्या उन्हाळी 2020 परीक्षा कोविड-19 च्या वाढत्या प्रादुर्भावामुळे पुन्हा एकदा पुढे ढकलण्यात आल्या आहेत. 15 जुलै रोजी सुरू होणाऱ्या या परीक्षा आता 17 ऑगस्टपासून सुरू केल्या जाणार आहेत. यासाठी महाराष्ट्र आरोग्य विज्ञान विद्यापीठाने वेळापत्रक जाहीर केले आहे.
वाचा सविस्तर- वैद्यकीय अभ्यासक्रमांच्या परीक्षांचे नवे वेळापत्रक जाहीर, 'या' दिवशी होणार सुरूवात
