मुंबई - येथील बांद्रा कुर्ला कॉम्प्लेक्स परिसरातील कलानगरमध्ये ३ अजगर दिसल्याने रहिवाशांमध्ये खळबळ उडाली होती. मात्र, रहिवाशांनी तत्काळ सर्पसंस्थेला माहिती दिली. त्यानंतर संस्थेच्या सर्पमित्रांनी या तीनही अजगरांना सुरक्षितरित्या पकडले.
मुंबई परिसरात सध्या मोठ्या प्रमाणात मेट्रोचे जाळे पसरविण्याच्या कामासाठी सर्वत्र मशीनने खोदकाम चालू आहे. त्यामुळे प्राणी मानवी वस्तीमध्ये शिरत आहेत.
हेही वाचा - तळोजा एमआयडीसीमध्ये अमोनिया वायूची गळती.. ग्रामस्थांना उलट्यांचा त्रास
बांद्रा कुर्ला कॉम्प्लेक्समध्ये शुक्रवारी रात्री अचानक ३ अजगर आढळून आले. सर्पमित्रांनी याठिकाणी पोहोचत त्या तीनही अजगरांची सुटका केली. यातील एक अजगर साडे दहा फूट, दुसरा साडे नऊ फूट आणि तिसरा साडे आठ फूट लांब आहे. त्या सर्वांची तपासणी करून त्यांना ठाण्याच्या जंगलात सोडण्यात येणार आहे.
हेही वाचा - लघुशंकेसाठी उतरलेल्या बाप-लेकीचा रेल्वेच्या धडकेत जागीच मृत्यू
