मुंबई: खा. संजय राऊत यांनी माध्यमांशी संवाद साधताना सांगितले की, राज्याचे पर्यावरण मंत्री आणि शिवसेना नेते आदित्य ठाकरे 10 जूनला आयोध्या दौरा करतील. त्यांच्यासोबत शिवसेनेचे काही नेते सोबतच देशभरातून शिवसैनिक दौऱ्यावर जाणार आहेत. हा दौरा राजकीय नाही, श्रीरामावरील श्रद्धा आणि भक्ती मुळे आम्ही हा दौरा करत आहोत. उत्तर प्रदेशच्या जनतेने आम्हाला या दौऱ्यासाठी आमंत्रण दिले आहे. त्यामुळे दौऱ्याची पूर्ण तयारी केली जात आहे.
असली आणि नकली कोण, हे उत्तर प्रदेशची जनता ठरवेल मनसे अध्यक्ष राज ठाकरे हे देखील आयोध्या दौऱ्यावर जाणार आहेत. त्यामुळे शिवसेना आणि मनसेच्या आयोध्या दौऱ्या पूर्वी केवळ महाराष्ट्रात नाही तर, तर आयोध्यमध्ये देखील राजकारण तापलेले पाहायला मिळतेय. अयोध्येत "असली आरहा है, नकली से सावधान" असे पोस्टर लावण्यात आले आहेत. मात्र हे पोस्टर कोणी लावले याबाबत शिवसेनेला कल्पना नाही. असली कोण आणि नकली कोण हे उत्तर प्रदेशची जनता ठरवेल. कोण राजकीय हेतूने अयोध्याचा दौरा करत आहे हे उत्तर प्रदेशच्या सुजाण जनतेला चांगलेच माहित आहे असा चिमटाही राऊत यांनी काढला.
राणा दाम्पत्यांची भेट घेतल्यानंतर, राज्याचे विधानसभा विरोधी पक्षनेते देवेंद्र फडणीस यांनी राज्य सरकार आणि मुख्यमंत्र्यांवर टीका केली होती. त्या टीकेला उत्तर देताना खासदार राऊत म्हणाले की देवेंद्र फडवणीस यांना क्रौर्याची सीमा पाहायची असेल तर, त्यांनी देशाचा सात वर्षाचा घटनाक्रम पहावा. त्यांना क्रौर्य, अन्याय आणि अत्याचार काय हे नीट समजू शकेल असा टोला राऊत यांनी फडवणीस यांना लगावला.
