मुंबई : क्रिकेटचा देव सचिन तेंडुलकरने आज आपल्या वयाचे अर्धशतक गाठले आहे. त्यानिमित्त सचिनच्या चाहत्यांकडून मास्टर ब्लास्टरवर शुभेच्छांचा वर्षाव होत आहे. सचिन तेंडुलकरने दिलेल्या क्रिकेटमधील योगदानाबद्दल एमसीएकडून सचिनला मोठे गिफ्ट देण्यात येणार आहे. सगळ्यांच्या आवडत्या सचिन तेंडुलकरचा पुतळा वानखेडे मैदानावर उभारण्यात येणार आहे.
तब्बल 24 वर्ष केली गोलंदाजांची धुलई : सचिन तेंडुलकरला क्रिकेटचा देव म्हणून त्याचे चाहते संबोधतात. आज या क्रिकेटच्या देवाचा 50 वाढदिवस आहे. सचिन तेंडुलकरने आपल्या 24 वर्षाच्या कारकिर्दीत अनेक दिग्गज गोलंदाजांची धुलाई केली आहे. पाकिस्तानचा सुप्रसिद्ध गोलंदाज रावळपिंडी एक्सप्रेस शोएब अख्तर, ऑस्ट्रेलियाचा प्रख्यात गोलंदाज ग्लेन मॅकग्रा, शेन वार्न आदी दिग्गज गोलंदाजांची सचिनने चांगलीच धुालई केलेली आहे.
स्वप्नातही दिसतो सचिन : सचिन तेंडुलकरने भारतीय क्रिकेटला मोठी उंची उंची मिळवून दिली. सचिन तेंडुलकरने क्रिकेटमधील अनेक रेकॉर्ड आपल्या नावावर कोरले आहेत. पाकिस्तानचा गोलंदाज शोएब अख्तर आणि सचिन तेंडुलकरचा सामना पाहण्यासाठी क्रिकेटचे चाहते जीव मुठीत घेऊन बसत होते. ऑस्ट्रेलियाचा फिरकी गोलंदाज शेन वॉर्नने आपल्या कारकिर्दीत अनेक फलंदाजांना सळो की पळो करुन सोडले. मात्र सचिन तेंडुलकरचा शेन वॉर्नने चांगलाच धसका घेतला होता. इतका की सचिन आपल्या स्वप्नात येऊन सिक्सर मारतो, असेही शेन वॉर्नने जाहीर कार्यक्रमात सांगितले होते.
सचिन तेंडुलकरचे विक्रम : सचिन तेंडुलकरने आपल्या क्रिकेटच्या कारकिर्दीत अनेक विक्रम आपल्या नावावर केले आहेत. यात सचिनने 100 शतकांचा विक्रम केला असून तो अद्यापही अबादित आहे. 463 एकदिवशीय सामने खेळल्याचा विक्रमही सचिनच्या नावावर आहे. सर्वाधित धावांचा विक्रमही सचिनच्या नावावर आहे. सचिनने 34 हजार 357 धावा केल्या आहेत. त्यामुळेच सचिनला राजीव गांधी खेलरत्न पुरस्कर 1997-98, अर्जुन पुरस्कर 1994, पद्मश्री 1999, महाराष्ट्र भूषण 2001 आदींसह अनेक पुरस्कारांनी सन्मानित करण्यात आले आहे.
वानखेडे मैदानाशी आहे खास नाते : सचिन तेंडुलकरने आपल्या क्रिकेटची सुरूवात शारदाश्रम या शाळेत असताना सुरू केली आहे. शारदाश्रम शाळेत असतानाच सचिन तेंडुलकर वानखेडे मैदानावर क्रिकेटचा सराव करण्यासाठी जात होता. त्यातही क्रिकेटची सुरुवात वानखेडे मैदानावर होऊन क्रिकेटमधून निवृत्तीही वानखेडे मैदानातूनच सचिनने घेतली आहे. त्यामुळे 2013 हे वर्ष आपल्या क्रिकेटच्या आयुष्यातील महत्वाचे असल्याचे सचिन तेंडुलकरने स्पष्ट केले आहे. याच वर्षी भारताने विश्वचषक जिंकून आनंदोत्सव साजरा केला होता. आज मास्टर ब्लास्टर सचिन तेंडुलकरचा 50 वा वाढदिवस, त्यानिमित्त सचिनला ईटीव्ही भारतकडून वाढदिवसाच्या शुभेच्छा.
हेही वाचा - World Book Day 2023: आयुष्याची जडण-घडण करतात पुस्तके, जाणून घ्या जागतिक पुस्तक दिनाचा इतिहास
