Diwali Faral : यंदा दिवाळीत घरगुती फराळापेक्षा तयार फराळाला मागणी; परवडणाऱ्या दरात विक्री

Readymade Faral: दिवाळीत खास करून फटाके, कंदील, नवीन कपडे, रांगोळी पण यासोबतच इतर साहित्यांची मोठ्या प्रमाणात खरेदी होताना आपण अनेक वर्ष पाहिली आहे. मात्र ही खरेदी करत असताना हिंदू संस्कृतीप्रमाणे सर्वांच्याच घरी घरगुती दिवाळी फराळ तयार केला जायचा. मात्र आता दिवाळी फराळही रेडीमेड घेण्याकडे नागरिकांचा कल वाढल्याचा दिसत आहे.

मुंबई: 2 वर्ष कोरोनाच्या सावटमध्ये गेल्यानंतर उत्साहात निर्बंधमुक्त दिवाळी साजरी करण्यासाठी सर्वच सज्ज झाले आहेत. दिवाळीसाठी सर्वच बाजारपेठा देखील फुलले आहेत. Readymade Faral कंदील, फटाके, मिठाई तसेच नवनवीन कपड्यांची दुकाने लोकांनी भरलेली पाहायला मिळतात. मात्र यासोबतच घरगुती फराळ घेण्यासाठी देखील लोकांनी गर्दी केलेली दिसत आहे. दिवाळीत खास करून फटाके, कंदील, नवीन कपडे, रांगोळी पण यासोबतच इतर साहित्यांची मोठ्या प्रमाणात खरेदी होताना आपण अनेक वर्ष पाहिली आहे. मात्र ही खरेदी करत असताना हिंदू संस्कृतीप्रमाणे सर्वांच्याच घरी घरगुती दिवाळी फराळ तयार केला जायचा. मात्र आता दिवाळी फराळही रेडीमेड घेण्याकडे नागरिकांचा कल वाढल्याचा दिसत आहे.

दरवर्षी रेडिमेट फराळाची मागणी वाढते दिवाळीचा फराळ जवळ जवळ प्रत्येक घरात तयार केला जातो. मात्र गेल्या काही वर्षापासून दिवाळी फराळ हा देखील रेडिमेट आणण्याकडे कल वाढताना पाहायला मिळतोय. खास करून ज्या महिला बचत गट आहेत, किंवा जिथे घरगुती फराळ बनवून मिळतो. अशा ठिकाणी रेडीमेड फराळाला जास्त मागणी आहे. तसेच या फराळाच्या मागणीत दरवर्षी १५ ते २० टक्के वाढत होत. मुंबईतील लालबाग परळ, गिरगाव शिवडी या मराठमोळ्या वस्त्यांमध्ये अधिक तर घरगुती रेडिमेड फराळाला अधिक मागणी आहे. खास करून लाडू, चिवडा, चकली, करंजी, शंकरपाळी, अनारसे अशा घरगुती फराळांना लोक पसंती देत आहेत.

परवडणाऱ्या दरात बचत गटांची फराळ विक्री दादर परिसरमध्ये भोगवती महिला उद्योग संस्था घरगुती फराळ विक्रीचा व्यवसाय करतात. गेल्या 6 ते 7 वर्षांपासून घरगुती फराळ विक्रीमध्ये वाढ झाली असल्याचे या भोगवती महिला उद्योग संस्था गटाच्या सदस्या रेश्मा प्रताप कविलकर यांनी सांगितले आहे. दरवर्षी फराळ विक्रीमध्ये 15 ते 20 टक्के वाढ होत असते. लोकांना परवडतील अशा दरात घरगुती फराळ विक्री केल्यास त्याला चांगला प्रतिसाद मिळतो. मिठाई सहितच प्रत्येकाला आपल्या घरात दिवाळीचा फराळ लागतो. खासकरून घरी बनवलेल्या लाडू, चकल्या, करंज्या, शंकरपाळी या प्रत्येक मराठी घरात लागतात. रेडीमेड फराळ तयार करत असताना त्या फराळाची चव आपल्या घरी तयार केलेल्या फराळासारखी लागेल, याची खास दक्षता घेतली जाते. त्यामुळेच फराळ विक्री दरवर्षी वाढत चालली असल्याचे रेश्मा कविलकर यांनी सांगितले आहे.

फराळाचे दर पोहा चिवडा- २५० रुपये किलो, मका चिवडा- ३०० रुपये किलो, भाजणी चकली- ४५० रुपये किलो, शंकरपाळी- ३५० रुपये किलो, अनारसे- २० रुपये नग, रवा लाडू- ५०० रुपये किलो, बेसन लाडू ६०० रुपये किलो.