शेतकरी आंदोलनात मृत्यू झालेल्या शेतकऱ्यांच्या नातेवाईकांना आर्थिक मदत करा, केंद्रीय मंत्री रामदास आठवले यांची मागणी

दिल्लीत वर्षभर शेतकऱ्यांचे आंदोलन (Farmers Protest Delhi) झाले. या आंदोलनामध्ये अनेक शेतकऱ्यांचा मृत्यू झाला. आंदोलनात मृत्यू झालेल्या शेतकऱ्यांना आर्थिक मदत देण्याचा प्रस्ताव केंद्र सरकारच्या विचाराधीन असून, राज्य सरकारनेही आंदोलनात मृत पावलेल्या शेतकऱ्यांच्या नातेवाईकांना आर्थिक मदत द्यावी (Financial Assistance To Relatives Of Died Farmers ) अशी मागणी केंद्रीय मंत्री रामदास आठवले यांनी केली आहे.

मीरा भाईंदर (मुंबई)- कृषी कायद्याविरोधात आंदोलन (Farmers Protest Delhi) करताना ज्या शेतकऱ्यांनाचा मृत्यू झाला, त्यांना आर्थिक मदत (Financial Assistance To Relatives Of Died Farmers) करावी. तसेच प्रत्येक राज्यात गुन्हे दाखल करण्यात आले आहेत ते मागे घ्यावेत, अशी मागणी केंद्रीय मंत्री रामदास आठवले (UM Ramdas Athavale) यांनी केली. भाईंदरमध्ये कार्यकर्ता मेळावा आयोजित करण्यात आला होता. यावेळी अनेक कार्यकर्ते उपस्थित होते.

भाईंदर पूर्वेच्या गोडदेव परिसरात रिपाई आठवले गटााच्या कार्यकर्ता मेळाव्याचे आयोजन करण्यात आले होते. यावेळी पत्रकारांशी बोलताना केंद्रीय मंत्री रामदास आठवले यांनी कृषी कायदा विरोधात आंदोलन करताना ज्या शेतकऱ्यांनाचा मृत्यू झाला त्यांना आर्थिक मदत करा, तसेच प्रत्येक राज्यात शेतकरी आंदोलनाचे गुन्हे दाखल करण्यात आले आहेत ते मागे घ्यावेत अशी मागणी आठवले यांनी केली. तर, येणाऱ्या मीरा भाईंदर महानगरपालिका निवडणुकीत (Mira Bhayander Municipal Corporation Election) भाजप- रिपाई सोबत लढेल. आठ ते दहा जागा आम्हाला द्याव्यात अशी मागणी केली. यावेळेस चार ते पाच नगरसेवक निवडून येतील व उपमहापौर पद आम्हाला मिळेल, असा दावा केला. तर मागच्या पालिका निवडणुकीत माजी आमदार नरेंद्र मेहता (Former MLA Narendra Mehta) यांनी एक जागा स्विकृत देऊ, असे आश्वासन दिले होते. पण ते पूर्ण केले नाही, त्यावर मंत्री आठवले यांनी नाराजी व्यक्त केली. येणाऱ्या निवडणुकीत भाजपचे विरोधी पक्षनेते देवेंद्र फडणवीस (Leader of Opposition Devendra Fadnavis) यांची भेट घेऊन पालिका निवडणुकीत जागा कशा निवडून येतील यासाठी प्रयत्न केले जातील, असेही ते म्हणाले.

पालिका निवडणुकीत चार ते पाच नगरसेवक येणार
मागील २५ वर्षांपासून रिपाई पक्ष मीरा भाईंदर शहरात कार्यरत आहे. परंतु आजतागायत एकही नगरसेवक नाही. त्यावर बोलताना मंत्री आठवले म्हणाले की, आमचा पक्ष इतर राजकीय पक्षाइतका मोठा नाही. परंतु सामाजिकदृष्टया मोठा आहे. त्यामुळे आम्ही ज्या पक्षासोबत जातो त्यांची सत्ता येते. हा अनुभव प्रत्येक पक्षाला आला आहे. त्यामुळे निवडणुकीत ज्या पद्धतीने रिपाई पक्ष काम करतो, तसं जोडीदार पक्षाने काम केले पाहिजे असा सल्ला त्यांनी स्थानिक भाजप नेत्यांना दिला. आमचा एकही आमदार, खासदार नाही. परंतु मी मंत्री आहे, असं केंद्रीय मंत्री रामदास आठवले म्हणाले. यावेळी शेकडो मुस्लिम समाजातील कार्यकर्त्यांनी रिपाईमध्ये प्रवेश केला. यावेळी मंत्री रामदास आठवले यांनी स्वागत केले. जिल्हाध्यक्ष देवेंद्र शेलेकर यांनी पक्षात आलेल्या सर्व कार्यकर्त्यांनी पक्षाचे काम करून पक्ष मोठा करा, असे आवाहन केले.

मुस्लिम समाजाला आरक्षण मिळलेच पाहिजे
देशातील मुस्लीम समाजाकडून आरक्षणाची (Muslim Reservation) मागणी केली जात आहे. हिंदू समाजाला आरक्षण मिळत असेल तर, देशातील मुस्लिम समाजाला आरक्षण मिळालेच पाहिजे. सर्व मुस्लिम समाजाच्या पाठीशी खंबीरपणे रिपाई उभी आहे, असेही ते म्हणाले.