मुंबई - कोरोनाच्या संकटाच्या काळातही कार्यरत असलेले कर्मचारी संक्रमित होऊ नयेत म्हणून मध्य रेल्वेच्या भुसावळ इलेक्ट्रिक लोको शेड विभागाने इनहाऊस निर्जंतुकीकरण सॅनिटायझरची निर्मिती केली आहे. लोको शेडमध्ये कर्मचाऱ्याने प्रवेश करताच स्प्रेच्या माध्यमातून डोक्यापासून पायापर्यंत त्याच्यावर सॅनिटायझरचा शिडकावा केला जातो आणि त्यानंतरच त्याला आत प्रवेश दिला जात आहे. इनहाऊस सॅनिटायझर टनेलची निर्मिती करण्यास सुमारे 15 हजार रुपये खर्च आला आहे असून टनेल एकावेळी एका व्यक्तीवर फवारणी करतो.
निर्जंतुकीकरण बोगद्याची रचना एमएस पाईपद्वारे टारपॉलिन शीटद्वारे संरक्षित केली आहे. द्रावणाची फवारणी करण्यासाठी पीव्हीसी पाइपिंग आणि स्प्रे नोजल दिले आहेत. बोगद्याचा आकार 150 सेमीx 150 सेमीx 220 सेमी इतका आहे. बोगद्याच्या आत तीन ते पाच सेकंद कालावधीसाठी लोक चालत असताना तीन नोजलचा एक संच फवारला जातो. निर्जंतुकीकरण करण्यासाठी कर्मचार्‍यांना बोगद्यात प्रवेश करताना त्यांचे हात पुढे करून त्यांच्या समोर उभे करण्याचा सल्ला दिला जातो.
500 लिटरची क्षमता असलेले हे निर्जंतुकीकरण बोगदा 16 तास अखंडपणे कार्यरत राहतो. म्हणून दिवसातून एकदाच ते पुन्हा भरणे आवश्यक आहे. उर्जा आणि पाण्याची बचत करण्यासाठी प्रवेशाच्या ठिकाणी सुरू व बंद करण्यासाठी बटण देण्यात आले आहे.
भुसावळ येथील वरिष्ठ विभागीय अभियंता (टीआरएस) हिमांशु रामदेव यांच्या अध्यक्षतेखाली हे डिझाईन तयार करण्यात आले आणि हे वरिष्ठ विभाग अभियंता मुकेश चौधरी यांच्या देखरेखीखाली तयार केले गेले. भुसावळ इलेक्ट्रिक लोको शेड येथे कोरोना विरोधात लढण्यासाठी अशा प्रकारचे निर्जंतुकीकरणं सॅनिटायझर तयार केले जात आहेत.
हेही वाचा - मुंबईतील 'आयसीटी'ने तयार केला कोरोना संसर्ग टाळण्यासाठी सॅनिटायझर टनेल
