OBC leader Prakash Shendge: 'हम भी किसी से कम नही', ओबीसी नेते प्रकाश शेंडगे यांनी ठोकला शड्डू

OBC leader Prakash Shendge : जरांगे पाटलांच्या उपोषणानंतर सरसकट मराठ्यांना कुणबी जात प्रमाणपत्र देऊ, असं आश्वासन राज्य सरकारनं दिलंय. मात्र, यावर ओबीसी समाजानं आक्षेप घेतलाय. (Prakash Shengde on Maratha reservation) मराठा समाज हा आर्थिकदृष्या मागास नाही. तसंच सरसकट मराठ्यांना कुणबी प्रमाणपत्र देता येणार नाही, असं न्यायालयानं देखील म्हटलं आहे. असं झालं तर आम्ही देखील रस्त्यावर उतरून आंदोलनाची लढाई लढू, असा इशारा ओबीसी नेते प्रकाश शेंडगे यांनी दिलाय.

मुंबई OBC leader Prakash Shendge : प्रकाश शेंडगे आज (बुधवारी) मंत्रालयात मुख्यमंत्र्यांच्या भेटण्यासाठी आले होते. तेव्हा त्यांनी माध्यमांशी संवाद साधला. ते म्हणाले की, मराठा समाजाला सुविधा, लाभ मिळाले आहेत, ते ओबीसींनाही मिळाले पाहिजेत. (Kunbi certificate for Marathas) मराठा समाजाला अनेक बाबतीत सुविधा देण्यात आल्या आहेत. अनेक कोटी रुपये या समाजासाठी देण्यात आले आहेत. मराठा समाज हा मागासलेला नाही. त्यांनी आंदोलन करताना जाळपोळ करणे उचित नाही. त्यामुळं आंदोलनाला हिंसक वळण लागले. शिंदे समितीला असा कुठलाही कुणबी प्रमाणपत्र देण्याचा अधिकार नाही. न्यायालयानंसुद्धा म्हटलं आहे की, मराठा समाज मागासलेला नाही. (Maratha reservation issue) आमची संख्या ३२ टक्के आहे. यात अनेक जाती आहेत. मराठा समाजाने सामोपचारी भूमिका घेतली पाहिजे. दिवाळीनंतर आम्ही याविरोधात आंदोलन करणार असं देखील शेंडगे म्हणाले. छगन भुजबळ आमचे समर्थक आहेत. त्यांना लक्ष्य करणं चुकीचं आहे. आम्ही भुजबळ साहेबांच्या पाठीशी आहोत. आम्ही लाठीची लढाई करणार नाही, पण न्यायालयीन लढाई लढू. आमचा ६० टक्के मतदार आहे. हम भी किसीसे कम नहीं है, हे दाखवून देऊ, असं प्रकाश शेंडगे म्हणाले.

तर आम्ही न्यायालयीन लढाई लढू: मराठा समाजाने समोपचारी भूमिका घेतली पाहिजे. दिवाळीनंतर आम्ही याविरोधात आंदोलन करणार असं देखील शेंडगे म्हणाले. छगन भुजबळ यांना आमचे समर्थन आहे. भुजबळ यांना लक्ष्य करणं चुकीचं आहे. आम्ही भुजबळांच्या पाठीशी आहोत. आम्ही लाठीची लढाई करणार नाही; पण न्यायालयीन लढाई लढू. आमचा ६० टक्के मतदार आहे. हम भी किसीसे कम नहीं है, हे दाखवून देऊ, असं ओबीसी नेते प्रकाश शेंडगे म्हणाले.

देसाई विरुद्ध भुजबळ : राज्य सरकार ओबीसीतून मराठा आरक्षण देत असेल तर आमचा त्याला विरोध आहे. ओबीसी आरक्षण संपवण्याचा सरकारचा हा डाव आहे आणि असं झालं तर आरक्षण देणारे सत्तेतून बाहेर जातील, असं मंत्री व ओबीसी नेते छगन भुजबळ यांनी म्हटलं होतं. यानंतर काल राज्य उत्पादन शुल्क मंत्री शंभूराज देसाई यांनी पत्रकार परिषद घेत, भुजबळ यांच्यावर टीका केली होती. सरकारमध्ये तिन्ही पक्षांच्या सहमतीनं ठरलं होतं. मग आताच छगन भुजबळांनी असं बोलण्याची गरज काय होती? भुजबळांना संभ्रम निर्माण करण्याची गरज का होती? यावर मंत्रिमंडळाच्या बैठकीत चर्चा करण्यात येईल, असं मंत्री शंभूराज देसाई म्हणाले होते. आता यात राजकारणात पुढे काय होईल याची उत्सुकता आहे.

हेही वाचा: