मुंबई - आयआयटी मुंबईच्या माजी विद्यार्थ्यांनी अत्याधुनिक सोयीसुविधायुक्त अशी 'कोव्हिड-१९ टेस्ट' बस तयार केली आहे. जी देशातील पहिली बस ठरली आहे. जेनेटिक टेस्टिंग, कोणत्याही संपर्काशिवाय नमुने घेणे, टेलिरेडिओलॉजी आदी सुविधा यात आहेत.
कोव्हिड-१९ टेस्ट बस ही भारतीय तंत्रज्ञानाने बनवण्यात आली आहे. जेनेटिक टेस्टिंग, कोणत्याही संपर्काशिवाय नमुने घेणे, टेलिरेडिओलॉजीची सुविधा आहे. कोडोय टेक्नॉलॉजी आणि आयआयटी मुंबईच्या माजी विद्यार्थ्यांनी एकत्र येऊन ही बस बनवली आहे.
बसमध्ये डिजिटल एक्सरे, टेलिरेडिओलॉजी, संपर्काशिवाय स्वॅब घेणे, आरएनए टेस्टिंग आदी सुविधा असणार आहेत. ही बस ३८४ स्क्वेअर फूट असून एवढ्या जागेत ही लॅब उभारण्यात आली आहे. ही लॅब पावसाळ्यातही वापरता येणार आहे. या बसमध्ये रोबोटिक अल्ट्रा साउंड सिस्टीम बसवण्यात आली आहे.
