मुंबई - मार्चपासून मुंबईत कोरोना विषाणूचा प्रादुर्भाव सुरू झाला आहे. ऑगस्ट महिन्यात आलेल्या धार्मिक सणानंतर सप्टेंबर महिन्याच्या सुरुवातीपासून रुग्णांचा संख्येत वाढ होत होती. ऑक्टोबर महिन्यापासून रुग्ण संख्या आटोक्यात आली. त्यानंतर पुन्हा रुग्ण संख्या वाढू लागली. 16 नोव्हेंबरला रुग्ण संख्या 409 पर्यंत खाली आली होती. गेले काही दिवस रुग्ण संख्येत वाढ झाली होती. मात्र, आज (सोमवारी) रुग्णसंख्येत घट दिसून आली आहे. आज मुंबईत 645 रुग्ण आढळून आले असून 19 रुग्णांचा मृत्यू झाला आहे.
रुग्ण, मृत्यूंची आकडेवारी -
मुंबईत आज (सोमवारी) कोरोनाचे 645 नवे रुग्ण आढळून आले असून 19 रुग्णांचा मृत्यू झाला आहे. त्यापैकी 15 रुग्णांना दीर्घकालीन आजार होते. मुंबईमधील कोरोनाग्रस्तांचा आकडा 2 लाख 83 हजार 460 वर पोहोचला आहे. तर, मृतांचा आकडा 10 हजार 810 वर पोहचला आहे. आज 775 रुग्ण बरे झाल्याने त्यांना डिस्चार्ज देण्यात आला. डिस्चार्ज देण्यात आलेल्यांचा आकडा 2 लाख 56 हजार 635 वर गेला आहे. सध्या, 13 हजार 8 सक्रिय रुग्ण आहेत.
हेही वाचा - राज्यात ३ हजार ८३७ नव्या कोरोनाग्रस्तांची वाढ, ८० रुग्णांचा मृत्यू
रुग्ण दुप्पटीचा कालावधी 207 दिवसांवर -
मुंबईत कोरोनाचे रुग्ण बरे होण्याचे प्रमाण 91 टक्क्यांवर पोहचले आहे. रुग्ण दुप्पट होण्याचा कालावधी 207, दिवस तर सरासरी दर 0.34 टक्के आहे. मुंबईत सध्या कोरोनाचे रुग्ण आढळून आलेल्या 434 चाळी आणि झोपडपट्टी कंटेन्मेंट झोन घोषित करून सील करण्यात आल्या आहेत. तसेच 5 हजार 212 इमारती व इमारतीच्या विंग, काही मजले सील करण्यात आले आहेत. तर, कोरोनाचे निदान करण्यासाठी 18 लाख 96 हजार 255 इतक्या चाचण्या करण्यात आल्या आहेत.
अशी वाढली रुग्णसंख्या -
१६ नोव्हेंबर - ४०९
१७ नोव्हेंबर - ५४१
१८ नोव्हेंबर - ८७१
१९ नोव्हेंबर - ९२४
२० नोव्हेंबर - १०३१
२१ नोव्हेंबर - १०९२
२२ नोव्हेंबर - ११३५
२३ नोव्हेंबर - ८००
कमी नोंद झालेली रुग्णसंख्या -
7 नोव्हेंबर 576 रुग्ण
2 नोव्हेंबर 706 रुग्ण
3 नोव्हेंबर 746 रुग्ण
6 नोव्हेंबर 792 रुग्ण
9 नोव्हेंबर 599 रुग्ण
10 नोव्हेंबर 535 रुग्ण
14 नोव्हेंबर 574 रुग्ण
16 नोव्हेंबर 409 रुग्ण
