मुंबई - गेल्या अनेक दिवसांत पंतप्रधान नरेंद्र मोदींनी इतक्या जागी स्वत:चे फोटो लावले आहेत की, यावरुन असे वाटते की, नोटांवरील महात्मा गांधींचा फोटो हटवून पंतप्रधान नरेंद्र मोदी स्वत:चा फोटोही लावतील, असा टिका राज्याचे अल्पसंख्याक कल्याण मंत्री नवाब मलिक यांनी केली. ट्विट करत त्यांनी मोदींवर निशाणा साधला.
हेही वाचा - 'मनसुख हिरेन मृत्यूप्रकरणी विरोधीपक्षाने प्रश्न उपस्थित केले असतील, तर त्याचा तपास व्हायला हवा'
काय म्हणाले मंत्री मलिक ?
ते म्हणाले, पंतप्रधान नरेंद्र मोदी हे आपला फोटो छापण्यात इतके पुढे निघून गेले आहेत की, त्यांनी सर्व पेट्रोल पंप, विमानतळांवर आपले फोटो लावले आहेत. जिकडे पाहावे तिकडे फक्त मोदींचाच फोटो दिसतो. खादीच्या कॅलेंडरवरही गांधीजींच्या जागी मोदींनी आपला फोटो लावला आहे. इतकेच नाही तर आता कोरोना लसीच्या सर्टिफिकेटवरही पंतप्रधान मोदी आपला फोटो लावत आहेत. जर असेच चालत राहिले तर उद्या मोदी नोटांवरील गांधीजींचा फोटो हटवून स्वत:चा फोटो लावतील, असा टोला नवाब मलिक यांनी लगावला. ट्विट करत मंत्री मलिक यांनी मोदींवर निशाणा साधला.
हेही वाचा - छापेमारीवर तापसी...'नॉट सो सस्ती एनीमोर', कंगनाचे धडाकेबाज प्रत्युत्तर
