मुंबई : या गुन्हयामध्ये पंजाब येथील गँगस्टर सोनू खत्री (Sonu Khatri Gang) याचे साथीदार शिवम अवतारसिंग महालो (वय २२ वर्षे रा. ठि. नवाशहर, पेठ महंत, शहद भगतसिंग नगर, पंजाब, गुरूमुख), नरेशकुमार सिंग उर्फ गोरा (वय २३ वर्षे राठि. उधनेवाला ता. बलाजोर, शहिद भगतसिंग नगर, पंजाब) आणि अमनदिप कुमार गुरमेलचंद उर्फ रॅन्चो (वय २१ वर्षे रा. ठि.खमा चौक ता. बंगाशहर, जि. शहीद भगतसिंग नगर, पंजाब) हे गँगस्टर आरोपी सोनू खत्री यांचे गँगचे सदस्य आहेत. ते गँगस्टर आणि दहशतवादी हरविंदर सिंग उर्फ रिंदा (Terrorist Harvinder Singh) याचे संपर्कातील असून पाहिजे आरोपी हे एन. आर. सी. कॉलनी, आंबिवली, कल्याण जिल्हा ठाणे या परिसरात वास्तव्यास असून या आरोपीतांकडे विदेशी अग्निशस्त्रे असण्याची शक्यता आहे, (Two Terrorist Arrested From Mumbai) अशी माहिती देवून दहशतवाद विरोधी पथक, महाराष्ट्र राज्य, मुंबई यांची मदत मागितली. (Latest news from Mumbai) त्यानंतर महाराष्ट्र एटीएसने (Maharashtra ATS) तपासाची चक्रे जोरदार फिरवली. (Punjab Anti Gangster Task Force)
संयुक्त कारवाईत आरोपी जेरबंद : प्राप्त माहितीच्या अनुषंगाने वरिष्ठांच्या निर्देशानुसार वरिल आरोपीतांचा शोध घेण्याबाबत व त्यांच्यावर नियोजनबध्द कारवाई करण्याकरिता पथके तयार केली. पाहिजे आरोपी हे यादवनगर, आंबिवली, कल्याण जि.ठाणे या परिसरात रहात असल्याची खात्रीलायक माहिती प्राप्त झाली. त्यानुसार दहशतवाद विरोधी पथकाचे अधिकारी व अंमलदार, पंजाब पोलीसचे अधिकारी व अंमलदार यानी संयुक्त कारवाई करून या आरोपींना जेरबंद केले. तिन्ही पाहिजे आरोपीविरूध्द पंजाब राज्यात खून, खूनाचा प्रयत्न, गंभीर दुखापत, बेकायदेशीर शस्त्र बाळगणे, स्फोटक पदार्थ बाळगणे असे गंभीर स्वरूपाचे गुन्हे दाखल असून ते सराईत गुन्हेगार आहेत.
संयुक्त कारवाईमुळे यश : ताब्यात घेतलेल्या आरोपींना पंजाब पोलीसांनी नमुद गुन्ह्यात अटक केली आहे. ही कारवाई महाराष्ट्र दहशतवाद विरोधी पथकाच्या काळाचौकी, विकोळी, ठाणे, नवी मुंबई युनिट व पंजाब पोलीसांनी संयुक्तपणे केली आहे.
चार दहशतवाद्यांना यापूर्वीही अटक : हरविंदरसिंघ रिंदा या कुख्यात बब्बर खालसा या संघटनेतील चार दहशतवाद्यांना मे, 2022 मध्ये अटक करण्यात आली. हरयाणातील कर्नाल येथे पोलिसांनी स्फोटकासह पकडलेले चारही दहशतवादी मार्च महिन्यात चार दिवस नांदेड मुक्कामी होते. त्यानंतर बिदरमार्गे गोव्याला गेले होते. कुख्यात हरविंदरसिंघ रिंदाचे हे चार दहशतवादी साथीदार असून पाकिस्तानमधून आलेला शस्त्रसाठा ते नांदेडला आणणार होते. त्यानंतर आता हैदराबाद, बिदर, गोवा, नांदेड भागाची रेकी केल्याची माहिती पुढे येत आहे. ही माहिती पुढे आल्यानंतर जिल्ह्यात एकच खळबळ उडाली आहे.
मार्च महिन्यात होते नांदेडला मुक्कामी : दरम्यान रिंदाचे साथीदार गुरूप्रित, अमनदीप, परमिंदर आणि भपिंदर हे नांदेडकडे वाहनातून येत असताना कर्नाल पोलिसांनी त्यांना पकडले होते. त्यातच पकडलेले हे आरोपी मार्च, 2022 महिन्यात नांदेडमध्ये चार दिवस मुक्कामी असल्याची खळबळजनक माहिती पुढे आली आहे. हे दहशतवादी यांनी नांदेड, बिदर, हैद्राबाद आणि गोवा या भागातही रेकी केल्याची माहिती पुढे येत आहे. यास वरिष्ठ पोलीस अधिकाऱ्यांनी सुद्धा दुजोरा दिला आहे. सदरील अतेरिकी दरम्यानच्या काळात कुणा-कुणाला भेटले. त्यांचा बांधकाम व्यावसायिक संजय बियाणी यांच्या हत्येचा काही संबंध आहे का? याबाबतीतही पोलिसांकडून तपास केला जात आहे.
