मुंबई : काँग्रेस नेते राहुल गांधी यांची खासदारकी रद्द करण्याचा निर्णय नुकताच घेण्यात आला. देशासह राज्यभरात याचे तीव्र पडसाद उमटत आहेत. महाराष्ट्रातही काँग्रेस नेत्यांनी राहुल गांधी यांच्या समर्थनार्थ आंदोलने, निदर्शने करत भाजपविरोधात आक्रमक भूमिका घेतली आहे. महाविकास आघाडीतील घटक पक्षाने देखील काँग्रेसच्या या भूमिकेचे स्वागत करत आंदोलन आणि मोर्चातून भाग घेतला होता. नुकतीच छत्रपती संभाजीनगर येथे महाविकास आघाडीचे वज्रमुठ सभा पार पडली आहे.
भाजपच्या कार्यपद्धतीवर सडकून टीका केली : काँग्रेस राष्ट्रवादी काँग्रेस आणि शिवसेना उद्धव बाळासाहेब ठाकरे पक्षाचे पक्षप्रमुख उद्धव ठाकरे यांनी देशातील आणि राज्यातील भाजपच्या कार्यपद्धतीवर सडकून टीका केली. महाविकास आघाडीच्या अजून सोळा सभा होणार आहेत. सभांचा झंजावात कायम असताना महाविकासाकडे नेता मुंबई मशाल मोर्चा काढायचा निर्णय घेतला आहे. महाविकास आघाडीची छत्रपती संभाजीनगरात पहिली वज्रमुठ सभा झाली. आता मुंबईत येत्या 11 एप्रिलला मशाल मोर्चा काढण्याच्या हालचाली महाविकास आघाडीने सुरू केल्या आहे. वांद्रे पासून चैत्यभूमीपर्यंत हा मोर्चा निघेल. शिवसेना पक्षप्रमुख उद्धव ठाकरे, काँग्रेस आणि राष्ट्रवादी काँग्रेसचे नेते उपस्थित राहणार आहेत.
सभा आता नागपूरला होणार आहे : महाविकास आघाडीची वज्रमुठ सभा आता नागपूरला होणार आहे. या सभेची तयारी सुरू झाली आहे. महाविकास आघाडीच्या नेत्यांवर ही जबाबदारी सोपविण्यात आली आहे. सभेच्या ठिकाणी भव्य असे मंच उभारले जाणार आहे. भाजपचे केंद्रबिंदू असलेल्या नागपूर भागात महाविकास आघाडीचे सभा होत असल्याने या सभेकडे सर्वांचे लक्ष लागून राहिले आहे. महाविकास आघाडी आगामी स्थानिक स्वराज्य संस्था आणि लोकसभा विधानसभा निवडणुकीत लढणार असल्याचे विरोधी पक्षनेते अजित पवार यांनी वज्रमुठ सभेत सांगितले. काँग्रेस प्रदेशाध्यक्ष नाना पटोले यांच्या स्वभावामुळे महाविकास आघाडीमध्ये अडचण निर्माण होण्याची शक्यता आहे, असे राष्ट्रवादी काँग्रेसच्या बैठकीत पटोलेंच्या स्वभावावर चर्चा झाली आहे.
हेही वाचा : Tiranga March: विरोधी पक्षांनी काढला तिरंगा मार्च.. खरगे म्हणाले, सत्ताधारी पक्षाने बोलू दिले नाही
