मुंबई - कोरोनामुळे आधीच त्रस्त असलेल्या जनतेला बुधवारी निसर्ग चक्रीवादळाच्या संकटाला सामोरे जावे लागणार आहे. या पार्श्वभूमीवर मुंबईच्या जुहू समुद्रकिनाऱ्यावरही मुंबई महापालिकेच्या अग्निशमन दलाने लाइफगार्ड तैनात केले आहेत. लॉकडाऊनमुळे समुद्रकिनारी बंदी असली तरी संपूर्ण सुरक्षेची खबरदारी पालिकेकडून घेण्यात आली आहे.
अरबी समुद्रात येणाऱ्या निसर्ग चक्रीवादळामुळे राज्यात एनडीएमए, एनडीआरएफ, आयएमडी, भारतीय तटरक्षक दल तैनात करण्यात आले आहेत. काही तासांत हे वादळ रौद्ररूप धारण करणार असल्यामुळे प्रशासनाने हायअलर्ट जारी केला आहे. या वादळामुळे महाराष्ट्र, गुजरात, दीव-दमण याठिकाणी काही भागांवर मोठा परिणाम होणार आहे.
