ईव्हीएमवर ‘सेव्ह आरे’चे बटण ठेवा - आंदोलकांची मागणी

आरे वाचवण्यासाठी मुंबईकर जनतेचा पाठिंबा आहे. त्यामुळे निवडणूक आयोगाने आगमी विधानसभा निवडणुकीत मतदानासाठी असलेल्या ईव्हीएममध्ये 'सेव्ह आरे'चे बटण ठेवावे. यामाध्यमातून जनतेची खरी भावना सरकारला कळेल, अशी मागणी आंदोलकांनी केली आहे.

मुंबई - मेट्रो कारशेडसाठी आरेमधील झाडे तोडण्यात आली. त्याविरोधात 'आरे बचाव आंदोलन' उभे राहिले. 29 आंदोलकांना अटक करून कारागृहात पाठवण्यात आले. ही लोकशाहीची हत्या आहे, असा आरोप पर्यावरणप्रेमींनी पत्रकार परिषदेत केला.

आरे वाचवण्यासाठी मुंबईकर जनतेचा पाठिंबा आहे. त्यामुळे निवडणूक आयोगाने आगमी विधानसभा निवडणुकीत मतदानासाठी असलेल्या ईव्हीएममध्ये ‘सेव्ह आरे’चे बटण ठेवावे. यामाध्यमातून जनतेची खरी भावना सरकारला कळेल, अशी मागणी आंदोलकांनी केली आहे.
मुंबई उच्च न्यायालयाने ‘आरे’तील मेट्रो कारशेडसाठी झाडे तोडण्याच्या विरोधातील याचिका फेटाळी होती. तरी देखील मुंबई मेट्रो रेल्वे कोर्पोरेशन लिमिटेडने रातोरात झाडांची कत्तल सुरू केली. सोशल मीडियावरुन ही माहिती व्हायरल होतात शेकडो मुंबईकर, पर्यावरणप्रेमींनी घटनास्थळी जाण्याचा प्रयत्न केला.

हेही वाचा - राहुल गांधींच्या प्रचार तोफा रविवारी धडाडणार; लातूरमध्ये १, तर मुंबईत २ सभा