मुंबई - काँग्रेस आणि राष्ट्रवादीची बैठक सुरू आहे. राजकारणामध्ये काही गुप्तता पाळावी लागते. त्यामुळे त्यांनी बैठक असल्याचे सांगितले नाही. अजित पवार त्याठिकाणी उपस्थित आहेत. त्यांना मस्करी करण्याची सवय आहे. त्यामुळे ते बारामतील चाललो, असे म्हणाले. काँग्रेससोबत चर्चा सुरू असल्याचे जितेंद्र आव्हाड म्हणाले.
हे वाचलं का? - काँग्रेस, राष्ट्रवादीची बैठक सुरू, अजित पवारही उपस्थित
आज बुधवारी रात्री साडेसात वाजता काँग्रेस-राष्ट्रवादीची बैठक होणार होती. त्यापूर्वी या बैठकीमध्ये काय चर्चा करायची? याबाबत राष्ट्रवादीच्या नेत्यांमध्ये चर्चा सुरू होती. त्यानंतर अजित पवार अचानक बाहेर निघाले. बैठक रद्द झाली असून मी बारामतीला चाललो, असे अजित पवार म्हणाले. तसेच ते यावेळी चांगलेच संतापले होते. यावरच जितेंद्र आव्हाड यांनी स्पष्टीकरण दिले. आज देखील काँग्रेस-राष्ट्रवादीची बैठक सुरू आहे. तसेच उद्या देखील बैठक होणार असल्याचे आव्हाड म्हणाले.
