मुंबई : ही शारीरिक चाचणी (Physical Test for Police Recruitment) मुंबईत जवळपास सहा महिने चालू राहणार असल्याची माहिती देखील सातपुते यांनी दिली. त्याचप्रमाणे मुंबई पोलीस दलात काम करण्यासाठी ट्रान्सजेंडर व्यक्तींना (application of transgender category) देखील मोठी संधी निर्माण झाली. (police recruitment in mumbai) मात्र, अद्याप शारीरिक चाचणी बाबत नियम आणि निकष ठरलेले नसून राज्य सरकारकडून जेव्हा हे निकष प्राप्त होणार तेव्हा त्यांची शारीरिक चाचणी घेतली जाईल, पोलीस उपायुक्त तेजस्वी सातपुते यांनी सांगितले. (Latest news from Mumbai)
14 हजार जागांसाठी भरती : राज्यात काही दिवसांआधी अनेक वर्ष रखडून असलेली पोलीस भरती जाहीर करण्यात आली. राज्य सरकारकडून पोलीस भरतीसाठी तब्बल 14 हजार जागांसाठी भरती केली जाणार आहे.
अशी असेल शारीरिक चाचणी : पोलीस शिपाई पदासाठी शारीरिक चाचणी एकूण 50 गुणांची होणार आहे. यामध्ये पुरुष उमेदवारासाठी 1600 मीटर धावणे (20 गुण), 100 मीटर धावणे (15 गुण), गोळाफेक (15 गुण) असे एकूण 50 गुण तर महिला उमेदवार 800 मीटर धावणे (20 गुण). 100 मीटर धावणे (15 गुण), गोळाफेक (15 गुण) असे एकूण 50 गुण असणार आहेत. तसेच महाराष्ट्र राज्य राखीव पोलीस बलातील सशस्त्र पोलीस शिपाई (पुरूष) पदासाठीशारीरिक चाचणी एकूण 100 गुणांची होणार आहे. यामध्ये पुरुष उमेदवारासाठी 5 कि.मी. धावणे (50 गुण), 100 मीटर धावणे (25गुण), गोळाफेक (25 गुण) असे एकूण 100 गुण असणार आहेत. शारीरिक चाचणीमध्ये किमान 50 टक्के गुण मिळविणारे उमेदवार, संबंधित प्रवर्गामधील जाहिरात दिलेल्या रिक्त पदांच्या 1:10 या प्रमाणात 100 गुणांच्या लेखी चाचणीसाठी पात्र असतील.
