मुंबई - नववर्षाच्या स्वागतासाठी देशभरात मोठ्या प्रमाणात जल्लोष करण्यात येत आहे. रात्री बारा वाजल्यानंतर येथे मोठ्या प्रमाणात शहरवासियांनी तसेच पर्यटकांनी जल्लोष आणि आनंद साजरा करत नववर्षाचा स्वागत केले. यामध्ये परदेशी पर्यटक आकर्षण ठरले. परदेशी पर्यटकांनी भारतीय वेशभूषेत येऊन नववर्षाचे स्वागत करत सर्वांना नवीन वर्षांच्या शुभेच्छा दिल्या.
हेही वाचा - नववर्षाच्या स्वागतासाठी मुंबईकर जमले चौपाटी अन् मरीन ड्राईव्हवर..
रोमेनिया या देशातून आलेल्या परदेशी नागरिकांनी मुंबईतील मरीन ड्राईव्ह येथे नववर्षाच्या स्वागताचा आनंद लुटला. त्यांनी ईटीव्ही भारत बोलताना सांगितले की, भारत हा सर्वोत्तम देश आहे. विविध परंपरेने आणि संस्कृतीने नटलेला देश आहे. भारतीय संस्कृती आम्हाला आवडते आणि त्यामुळे आम्ही नववर्षाच्या स्वागतासाठी भारतीय वेशभूषेत या ठिकाणी आलेलो आहोत. तसेच आणि सर्वांना नववर्षाच्या शुभेच्छा देत आहोत. नववर्ष भारतीयांना सुखाचे समृद्धीचे आणि भरभराटीचे जावो, अशाही शुभेच्छा या परदेशी नागरिकांनी दिल्या आहेत.
