मुंबई - येथील विलेपार्ले भागात पोलीस असल्याची थाप मारत पंचतारांकित हॉटेलमध्ये छापा टाकण्याच्या नावाखाली 12 कोटी रुपये घेऊन फरार झालेल्या आठ जणांना पोलिसांनी ताब्यात घेतले आहे.
माहिती देताना पोलीस अधिकारी
याबाबत पोलिसांकडून मिळालेल्या माहितीनुसार, 17 फेब्रुवारीला एका पंचतारांकित हॉटेलमध्ये पोलीस असल्याची बतावणी करत छापा टाकला. यावेळी त्यांनी हॉटेलमध्ये थांबलेल्या दोघांची तपासणी करत त्यांच्याकडील 12 कोटी रुपयांचा मुद्देमाल घेऊन पसार झाले होते.
अनेकांच्या चौकशीनंतर आठ जण ताब्यात
घटनेची माहिती मिळताच विलेपार्ले पोलिसांनी घटनास्थळी धाव घेत अनेकांची चौकशी केली. चौकशी दरम्यान आठ संशयितांना पोलिसांनी ताब्यात घेतले आहे. सीसीटीव्हीच्या आधारे आणखी आरोपींचा शोध सुरू आहे.
हेही वाचा - कुख्यात गुंड रवी पुजारीचा ताबा मुंबई पोलिसांकडे
