मुंबई - राज्य सरकारमध्ये मुख्यमंत्रीपदी एकनाथ शिंदे तर उपमुख्यमंत्री पदी देवेंद्र फडणवीस विराजमान आहेत. मात्र, महत्त्वाच्या निर्णय प्रक्रियेमध्ये आणि सरकारची धोरणे ठरवण्यामध्ये उपमुख्यमंत्री देवेंद्र फडणवीस यांचा वरचष्मा राहत असल्याचे पाहायला मिळत आहे. त्यामुळे जनतेच्या मनामध्ये सरकारचा चेहरा म्हणून देवेंद्र फडणवीस समोर येत आहेत.
उपमुख्यमंत्री फडणवीसांचा वरचष्मा - उपमुख्यमंत्री सोबत असताना मुख्यमंत्र्यांची देहबोली सुद्धा खूप काही सांगून जाते. विविध कार्यक्रमांमध्ये उपमुख्यमंत्री आणि मुख्यमंत्री सोबत असताना अधिकारी आणि सनदी अधिकारी हे उपमुख्यमंत्र्यांनाच माहिती देत असताना पाहायला मिळते. मुख्यमंत्री केवळ त्यांच्यासोबत उभे राहतात आणि प्रसारमाध्यमांची बोलायला मुख्यमंत्र्यांना सांगितले जाते हे चित्र अनेक कार्यक्रमातून दिसते आहे.
मुख्यमंत्री शिंदेंना दाखवली जागा - सरकार स्थापन झालेल्या झाल्यानंतर झालेल्या पत्रकार परिषदेत उपमुख्यमंत्र्यांनी मुख्यमंत्र्यांच्या हातातून माईक घेतल्याची प्रसार माध्यमांमध्ये आणि समाज माध्यमांमध्ये मोठ्या प्रमाणावर चर्चा झाली होती. त्याचवेळी राज्याची सूत्रे कुणाकडे असतील याबाबत सर्वत्र कुजबूज सुरू झाली होती त्याचाच प्रत्यय पुन्हा एकदा गुरुवारी मुंबईत आला.
मोदींच्या हस्ते विविध कामांचे लोकार्पन - पंतप्रधान नरेंद्र मोदी गुरुवारी मुंबईत विविध विकास कामांच्या उद्घाटनासाठी आणि लोकार्पणासाठी आले होते वांद्रे कुर्ला संकुल येथे झालेल्या या भव्य कार्यक्रमात प्रधानमंत्री नरेंद्र मोदी व्यासपीठावर येतात मुख्यमंत्री आणि उपमुख्यमंत्री त्यांच्या दिशेने स्वागतासाठी चालू लागले होते. पंतप्रधान नरेंद्र मोदी थांबल्यानंतर मुख्यमंत्र्यांनी त्यांचे स्वागत केले.
दरम्यान, त्याचवेळी उपमुख्यमंत्री देवेंद्र फडणवीस यांनी त्यांच्या पाठीला हात लावत त्यांना पंतप्रधानांच्या पलीकडच्या बाजूला उभे राहण्याविषयी सांगितले. त्यानंतर मुख्यमंत्री पंतप्रधानांच्या मागून पलीकडे जाऊन उभे राहिले. त्यामुळे पुन्हा एकदा उपमुख्यमंत्री देवेंद्र फडणवीस यांनी मुख्यमंत्र्यांना त्यांची जागा दाखवण्याची चर्चा उपस्थित यामध्ये रंगली होती.
हेही वाचा - Abdul Sattar On Sharad Pawar : कृषिमंत्री अब्दुल सत्तारांनी केले पवार कुटुंबीयांचे कौतुक
