दाऊदच्या आई, बहिणीच्या मालमत्तेचा 'या' तारखेला होणार लिलाव

Dawood Ibrahim : दहशतवादी दाऊद इब्राहिमच्या आई आणि बहिणीच्या नावे असलेल्या चार मालमत्तांचा शुक्रवारी लिलाव होणार आहे. रत्नागिरी जिल्ह्यातल्या खेड तालुक्यात मुंबके येथे या चार मालमत्ता आहेत.

मुंबई Dawood Ibrahim : फरार दहशतवादी आणि कुख्यात गुंड दाऊद इब्राहिमच्या आईच्या आणि बहिणीच्या नावे असलेल्या चार मालमत्तांचा ५ जानेवारीला फेमाचे अधिकारी लिलाव करणार आहेत. या लिलावात सामील होण्यासाठी आज दुपारी ४ वाजेपर्यंत अंतिम मुदत होती. रत्नागिरीतील खेड जिल्ह्यातील मुंबके गावात दाऊदच्या बंगल्याचा देखील काही वर्षांपूर्वी लिलाव झाला आणि तो बंगला लिलावात वकील भूपेंद्र कुमार भारद्वाज यांनी खरेदी केला होता. आता पुन्हा वकील असलेल्या भूपेंद्र कुमार भारद्वाज यांना दाऊदच्या आईच्या आणि बहिणीच्या नावे असलेली शेतजमीन खरेदी करण्याची इच्छा असल्याचं सांगितलं. भारद्वाज यांनी आज आयकर भवन येथे जाऊन लिलावात सामील होण्याची प्रक्रिया पूर्ण केली आहे.

11 मालमत्तांचा केला लिलाव : शेतजमिनी असलेल्या रत्नागिरीतील चारही मालमत्ता दाऊद इब्राहिमच्या आई अमिना बी आणि बहीण हसीना पारकर यांच्या नावावर असल्याची माहिती वकील भारद्वाज यांनी दिली. या चार मालमत्ता रत्नागिरी जिल्ह्यातील खेड तालुक्यातील मुंबके येथे आहेत. गेल्या नऊ वर्षांत दाऊद आणि त्याच्या नातेवाईकांच्या जवळपास 11 मालमत्तांचा सफेमा अधिकाऱ्यांनी लिलाव केला आहे. मुंबईत होणारे हे लिलाव सक्षम प्राधिकारी आणि स्मगलर्स अँड फॉरेन एक्स्चेंज मॅनिप्युलेटर्स ऍक्ट किंवा सेफेमा यांच्या प्रशासकाद्वारे केले जातील, जे केंद्रीय मंत्रालयाच्या अधिकाराखाली आहेत. कुख्यात गुंड आणि भारताला मोस्ट वॉन्टेड असलेला दहशतवादी दाऊद इब्राहिम याची रत्नागिरी जिल्ह्यातील खेड तालुक्यात शेत जमिनीचा लिलाव शुक्रवारी होणार आहे. हा लिलाव ई ऑक्शन स्वरूपात होणार आहे. http.://education.auction.auctiontiger.net या वेबसाईटवरून ई ऑक्शन पद्धतीने ऑनलाइन स्वरूपात इच्छुक या लिलावात सामील होऊ शकतात.

4 मालमत्तांचा लिलाव होणार : स्मगलर आणि फॉरेन एक्स्चेंज मॅनिपुलेटर मार्फत (SAFEMA) दाऊदच्या मालमत्तेचा लिलाव केला जाईल. रत्नागिरीतील एकूण 4 मालमत्तांचा लिलाव होणार आहे. आयकर विभागाने २०२० तसेच 2018 मध्ये नागपाडा येथील एक हॉटेल, एक गेस्ट हाऊस आणि दाऊदची एक इमारत विकण्यात आली होती. गेल्या काही वर्षांत दाऊदच्या अनेक मालमत्ता विकून त्याचा ताबा खरेदीदारांना मिळवून देण्यात तपास यंत्रणांना यश आलं होतं. दाऊदची बहीण हसिना पारकर हिच्या दक्षिण मुंबईतील फ्लॅटचा लिलाव करण्यात आला होता. हसीनाचे अनेक वर्षांपूर्वी निधन झाले आहे. यानंतर आता तिचा भाऊ आणि कुख्यात गुंड दाऊचा याच्या कोकणातील शेत जमिनीचा लिलाव करण्यात येणार आहे. काही वर्षापूर्वी दाऊद इब्राहिमच्या कुटुंबाच्या 1.10 कोटी रुपयांच्या मालमत्तेचा रत्नागिरीमध्ये लिलाव करण्यात आला.

सामाजिक कार्यासाठी वापरणार लिलावाची जागा : वकील भूपेंद्र कुमार भारद्वाज यांनी लिलावात विकत घेतलेली दाऊदच्या जागा वृद्धाश्रम तसेच अन्य समाजातील दुर्बल घटकांसाठी वापरण्यात येणार असल्याची माहिती दिली आहे. मात्र, यावेळी लिलावात प्रक्रियेतील अधिकारी सहकार्य करत नसल्याचा आरोपही त्यांनी केला आहे.

हेही वाचा -