मुंबई - दक्षिण मुंबईतील डोंगरी परिसरात मंगळवारी केसरबाई नावाची चार मजली इमारत कोसळली. मुख्यमंत्र्यांनी या दुर्घटनेतील मृतांच्या नातलगांना ५ लाख तर जखमींना ५० हजार रुपयांची नुकसान भरपाई जाहीर केली आहे. तसेच जखमींवरील सर्वप्रकारच्या वैद्यकीय उपचारांचा खर्चही राज्य सरकारच करेल, असेही मुख्यमंत्री फडणवीस यांनी म्हटले आहे.
या दुर्घटनेत एकूण १४ जणांचा मृत्यू झाला. तर ९ जण जखमी झाले आहेत. मृतांमध्ये ७ पुरुष ४ महिला आणि ३ लहान मुलांचा समावेश आहे. एनडीआरएफ, मुंबई अग्निशमन दल आणि पोलिसांच्या मदतीने अद्यापही घटनास्थळी ढिगारा उचलण्याचे काम सुरू आहे. ढिगार्‍याखाली ४० हून अधिक लोक अडकल्याची भीती व्यक्त केली जात आहे.
