मुंबई : मुंबईत बकरी ईद आणि आषाढी एकादशीचा सोहळा रंगलेला असतानाच मुंबईला एक व्यक्ती बॉम्बने उडवून देणार आहे, अशी माहिती एका कॉलरने दिली. या बातमीने एकच खळबळ उडाली होती. मालवणी पोलिसांनी तात्काळ तपास करत कॉल करणाऱ्या आरोपीला अटक केली आहे. नासिमूल हसन रफी उल हसन शेख (वय 50) असे अटक करण्यात आलेल्या आरोपीचे नाव आहे. त्याने टाइमपास म्हणून कॉल केल्याचे पोलीस तपासात उघडकीस आले आहे.
नागरिकांमध्ये भीती निर्माण करण्याचा उद्देश : मालवणी पोलिसांनी दिलेल्या माहितीनुसार गुरुवारी दुपारी पावणे बाराच्या सुमारास नासिमूल हसन शेखने महानगरपालिकेच्या नियंत्रण कक्षात कॉल केला. कॉल करून एक व्यक्ती मुंबई उडवून देणार असल्याची छोटी माहिती देत फोन कट केला. हा मालवणीतील आजमी नगर येथील अब्बा सिया या कंपाउंडमध्ये राहतो. तो इलेक्ट्रिशियनचे काम करतो. मुंबईत सगळे शांततेत सुरू असताना सार्वजनिक शांतता भंग करण्यासाठी तसेच नागरिकांमध्ये भीती निर्माण करण्याच्या उद्देशाने कॉल केला. या प्रकरणी त्याला अटक करत पोलीस अधिक तपास करत आहेत. आज त्याला न्यायालयात हजर करण्यात येणार आहे.
खोटी माहिती दिली : नासीमूल हसन शेख या आरोपीने सार्वजनिक शांतता बिघडवण्याचा प्रयत्न केला. त्याने जनतेमध्ये भीती निर्माण करण्याच्या उद्देशाने आणि समाजातील वर्गा वर्गामध्ये शत्रुत्वाची किंवा द्वेषाची भावना निर्माण करण्याच्या उद्देशाने तसेच इतर नागरिकांना पोलिसांकडून केल्या जाणाऱ्या सुरक्षात्मक उपाययोजनांमुळे त्रास व्हावा, या उद्देशाने त्याने एक व्यक्ती मुंबई उडवून देणार असल्याची खोटी माहिती जाणीवपूर्वक महापालिका नियंत्रण कक्षास दिली. म्हणून त्या आरोपीविरुद्ध भारतीय दंड संविधान कलम 505(2),505(1)(ब),177,182,507 गुन्हा नोंद करण्यात आला.
हेही वाचा :
