प्रतिक्रिया देताना सोनू निगम व डीसीपी मुंबई : यादरम्यान सोनू निगमच्या अंगरक्षकाने त्याला वाचवण्याचा प्रयत्न केला. मात्र त्या व्यक्तीने त्याच्यावर हल्ला केला. एफआयआर दाखल झाल्यानंतर, सोनु निगमने मीडियाशी संवाद साधला. आपली प्रतिक्रिया दिली. या प्रसिद्ध गायकाने पोलिसांत तक्रार केल्यानंतर सांगितले की, मैफील संपल्यानंतर मी स्टेजवरून खाली येत असताना स्वप्नील प्रकाश फातर्पेकर या व्यक्तीने मला पकडले. त्यानंतर मला वाचवण्यासाठी आलेल्या हरी आणि रब्बानी यांना त्याने धक्काबुक्की केली. मग मी पायऱ्यांवर पडलो, असे सोनु म्हणाला.
सेल्फी घेण्याच्या प्रयत्नानंतर हाणामारी : याआधी सोनू निगम जखमी झाल्यानंतर रुग्णालयात दाखल झाल्याची बातमी आली होती. त्याने सांगितले की, तो ठीक आहे. या घटनेनंतर मुंबई पोलिसांनी सांगितले की, चेंबूरमध्ये एका कार्यक्रमादरम्यान काही लोक सोनू निगमसोबत सेल्फी घेण्याचा प्रयत्न करत होते. त्यानंतर हाणामारी झाली. या घटनेदरम्यान गायकासोबत असलेले दोघेजण पडले, ज्यात एकाला किरकोळ दुखापत झाली. त्यानंतर सोनू निगमने चेंबूर पोलीस स्टेशन गाठले, जिथे त्याने कार्यक्रमादरम्यान घडलेल्या घटनेची तक्रार केली.
पायऱ्यांवरून ढकलले : झोन 6 चे डीसीपी हेमराज सिंह राजपूत यांनी सांगितले की, लाइव्ह कॉन्सर्टनंतर सोनू निगम स्टेजवरून खाली येत असताना एका व्यक्तीने त्याला पकडले. आक्षेप घेतल्यानंतर त्याने सोनू निगम आणि त्याच्यासोबत असलेल्या अन्य दोन जणांना पायऱ्यांवरून ढकलले, त्या दोघांपैकी एकजण जखमी झाला. स्वप्नील फुत्तरपेकर असे आरोपीचे नाव आहे. त्यांनी सांगितले की, सोनू निगमशी झालेल्या संभाषणाच्या आधारे ही घटना जाणूनबुजून करण्यात आली आहे, असे वाटत नाही. एफआयआरमध्ये ज्याने सेल्फीसाठी पकडले होते, त्या आरोपीचे नाव आहे.
गुन्हा दाखल : या घटनेबाबत गायक सोनू निगम म्हणाला, मी कॉन्सर्ट संपल्यानंतर स्टेजवरून खाली येत असताना एका व्यक्तीने मला पकडले. त्यानंतर मला वाचवण्यासाठी आलेल्या हरी रब्बानी यांना त्याने ढकलले. त्यानंतर मी पायऱ्यांवर पडलो. आज तिथे काही लोखंडी रॉड पडलेले असते तर रब्बानीचा मृत्यू झाला असता. त्याला असे ढकलले गेले. तुम्ही व्हिडिओमध्ये पाहू शकता. मीही पडलो होतो. पोलिसांनी सांगितले की, गायक सोनू निगमच्या तक्रारीच्या आधारे, आयपीसीच्या कलम 323 (स्वच्छेने दुखापत करण्यासाठी शिक्षा), 341 (चुकीचा संयम), 337 (इतरांचा जीव किंवा वैयक्तिक सुरक्षितता धोक्यात आणून दुखापत करणे) नुसार गुन्हा दाखल करण्यात आला आहे.
हेही वाचा : Sonu Nigam News: सोनू निगमला चेंबूरमध्ये कार्यक्रमादरम्यान शिवसेना सदस्यांनी मारहाण केल्याचा आरोप; एका व्यक्तीविरोधात गुन्हा दाखल
