Ranbir Kapoor: महादेव ॲप घोटाळा प्रकरण; रणबीर कपूरने ईडीकडे मागितला 2 आठवड्याचा वाढीव वेळ

Ranbir Kapoor: बॉलिवुड अभिनेता रणबीर कपूरला बुधवारी अंमलबजावणी संचलनालयाने (ईडी) समन्स (ED Action On Ranbir Kapoor) बजावल्यानंतर आता रणबीर कपूरने ईडीकडून दोन आठवड्यांचा वेळ मागितल्याची माहिती सूत्रांकडून मिळत आहे.

मुंबई : Ranbir Kapoor: रणबीर कपूरला ईडीने बुधवारी समन्स (ED Action On Ranbir Kapoor) बजावून ६ ऑक्टोबरला हजर राहण्यास सांगितले होते. महादेव बेटिंग अ‍ॅप प्रकरणी (Mahadev App Scam ) रणबीर कपूरच्या ईडीने समन्स जारी केले होते. त्याला ६ ऑक्टोबरला ईडीसमोर हजर राहण्यास सांगण्यात आले. मात्र, सूत्रांनी दिलेल्या माहितीनुसार रणबीरने ईडीकडे दोन आठवड्यांचा वेळ मागितला आहे. त्याला रायपूर येथील ईडी कार्यालयासमोर हजर व्हावे लागणार आहे.

दोन आठवड्यांचा मागितला वेळ : सौरभ चंद्राकरशी यांच्या महादेव बेटिंग अ‍ॅप प्रकरणी रणबीरला समन्स बजावण्यात आले आहे. त्याला ईडीसमोर हजर राहून चौकशी केली जाणार आहे. पण आता हजर होण्याच्या तारखेच्या एक दिवस आधी रणबीरने ईडीकडे आणखी दोन आठवड्यांचा वेळ मागितल्याची माहिती मिळत आहे. त्यानंतर रणबीर हजर राहणार असल्याची माहिती मिळत आहे.

ईडीने चौकशीसाठी बोलावले : महादेव गेमिंग अ‍ॅप प्रकरणी अंमलबजावणी संचालनालयाने (ईडी) ऑनलाइन जुगार अ‍ॅपवर मोठी कारवाई केली. याप्रकरणी ईडीने नुकतीच कोलकाता, भोपाळ आणि मुंबई येथे छापे टाकत ४१७ कोटी रुपये जप्त केली होती. आता महादेव गेमिंग अ‍ॅप प्रकरणी या अ‍ॅपची जाहिरातीत दिसणाऱ्या अभिनेत्याला ईडीने समन्स पाठवून चौकशीला बोलावले होते. मात्र, दोन आठवड्यांचा वेळ रणबीर कपूरने ईडीकडे मागितला असल्याची माहिती ईडीच्या सूत्रांनी दिली आहे.