भारतीय जनता युवा मोर्चाचे मंत्रालयाबाहेर आंदोलन

भजयुमोच्या कार्यकर्त्यांनी मंत्रालयाबाहेर आंदोलन केले. लोकशाहीचा चौथा स्तंभ असलेल्या माध्यमांना स्वतंत्रपणे काम करु दिले जात नाही, असे म्हणत कार्यकर्त्यांनी सरकाविरोधात जोरदार घोषणाबाजी केली.

मुंबई - लोकशाहीच्या चौथ्या स्तंभावर सरकार हल्ला करत आहे. माध्यमांना स्वतंत्रपणे काम करू दिले जात नाही. माध्यमांची मुस्कटदाबी केली जात असल्याचा आरोप करत आज (दि. 2 नोव्हेंबर) भारतीय जनता युवा मोर्चाच्या वतीने मंत्रालयाबाहेर आंदोलन करण्यात आले.

जोरदार घोषणाबाजी, पोलिसांची कारवाई

यावेळी भाजयुमो कार्यकर्त्यांनी भारत माता की जय व तसेच सरकारविरोधात घोषणा देत परिसर दणाणून सोडला. भाजयुमो आंदोलन करणार असल्यामुळे मंत्रालयाबाहेर पोलिसांचा मोठा फौजफाटा तैनात करण्यात आला होता. कोरोनाच्या प्रादुर्भावाची खबरदारी व आंदोलनाची परवानगी नसल्याने पोलिसांनी कार्यकर्त्यांना ताब्यात घेतले.

हेही वाचा - साखर कारखान्यांच्या लिलावात अजित पवारांच्या कुटुंबीयांना फायदा; ईडीची माहिती