मुंबई : भाजप नेत्या पंकजा मुंडे गेल्या काही दिवसांपासून पक्षावर नाराज असल्याची चर्चा आहे. याच नाराजीतून त्या महाविकास आघाडी सरकारच्या काळात शिवसेनेत प्रवेश करणार असल्याची चर्चा होती. इतकेच नाही तर पंकजा मुंडे यांना इतर पक्षांकडूनही ऑफर मिळाली होती. अशात पंकजा मुंडे यांनी आपण दोन महिन्याचा राजकीय ब्रेक घेत असल्याची घोषणा केली होती. राजकीय ब्रेक न घेता कामाला लागावे, असा आदेश नसल्याचे पंकजा मुंडेंनी ट्विट करून म्हटले आहे.
बातमी चुकीची : नाराजीची चर्चा असताना पंकजा मुंडे राजकीय ब्रेक घेणार घोषणा केल्याने अनेकांचे डोळे चक्रावले आहेत. पंकजा मुंडे यांचा ब्रेक दिल्लीच्या श्रेष्ठींना खटकल्यानंतर त्यांना परत सक्रीय होण्याचा आदेश दिल्याचे एका माध्यमात म्हटले. परंतु या वृत्त खोटे असल्याची माहिती स्वत: पंकजा मुंडे यांनी दिली आहे. एका वृत्तवाहिनीने पंकजा मुंडेंना राजकारणात सक्रीय होण्याचा आदेश दिल्लीतील ज्येष्ठ मंडळींनी दिला असे वृत्त दिले होते. राज्यातील राजकीय परिस्थिती तसेच मध्य प्रदेशमधील आगामी विधानसभा निवडणुका लक्षात घेता पंकजा मुंडेंना हे निर्देश देण्यात आले असे वृत्त या वाहिनीकडून देण्यात आले होते. परंतु हे वृत्त पूर्णपणे खोटं असल्याचे पंकजा मुंडे यांनी म्हटले आहे.
मुंडेंनी याचा घेतला ब्रेक : 7 जुलै रोजी मुंडे यांनी सांगितले की ती एक किंवा दोन महिन्यांसाठी ब्रेक घेण्याची योजना आखत आहे. आपल्याला राजकारणाचा कंटाळा आला आहे. त्यामुळे आपण ब्रेक घेणार असल्याचे त्या म्हणाल्या होत्या. त्याचबरोबर तिच्या प्रामाणिकपणावर वारंवार प्रश्नचिन्ह उपस्थित केले जात आहे. योग्यता असल्यास तर पक्षाला उत्तर द्यावे लागेल. आपल्यावर अन्याय झाला आहे की नाही हे येणारा काळच सांगेल, असेही त्या म्हणाल्या होत्या. परंतु माध्यामात आपल्या भाषणातील काही भाग काही वेळा संदर्भाबाहेर दाखवला जातो. त्यानंतर त्या जे काही बोलल्या त्यावरून अटकळ बांधली जातात. त्यामुळे आपण कामातून नाही तर माध्यमांतून ब्रेक घेण्याचा निर्णय घेतला असल्याचे पंकजा मुंडे म्हणाल्या.
पक्ष बदलाच्या चर्चा : आपल्या राजकीय ब्रेकविषयी दिल्लीकडून आलेल्या आदेशाची बातमी चुकीची असल्याचे पंकजा मुंडे म्हणाल्या. त्या पुढे बोलताना म्हणाल्या की, 2019 च्या विधानसभा निवडणुकीत परळीतून पराभव झाल्यानंतर तिचे नाव राज्यसभेसाठी आणि दोनवेळा महाराष्ट्र विधान परिषदेसाठी उमेदवारीसाठी आले होते. परंतु त्यांना शेवटच्या क्षणी नाव घेण्यास सांगितले होते. दरम्यान, पंकजा मुंडे ह्या पक्षात नाराज असून त्या दुसऱ्या पक्षात जाणार असल्याच्या चर्चा वारंवार होत असतात. पंकजा मुंडे यांना शिवसेनेतून ऑफर आली होती. उद्धव ठाकरेंनी त्यांना ऑफरही दिली होती. तसेच काँग्रेसमधूनही पंकजा मुंडे यांना खुली ऑफर देण्यात आली होती, अशी राजकीय वर्तुळात चर्चा होती.
हेही वाचा -
