सीएए प्रकरणी भाजपकडून 'त्या' टॅक्सी चालकाचा गौरव

सीएएच्या विरोधात आंदोलन आणखी तीव्र करण्या बाबत दोन प्रवाशांचे संभाषण सुरू होते. ते मोबाईलमध्ये रेकॉर्ड करुन त्यांची माहिती पोलिसांना देणाऱ्या टॅक्सी चालकाचा भाजपकडून गौरव करण्यात आला.

मुंबई - नागरिकत्व सुधारित कायद्याच्या विरोधात तीव्र आंदोलन करण्याची तयारी शहरात काही जणांकडून सुरू होती. यासह काही आक्षेपार्ह विधानेही केली जात असल्याची माहिती पोलिसांना देणाऱ्या एका टॅक्सी चालकाचा भाजपच्या वतीन सन्मान करण्यात आला.

रोहित गौर, त्या टॅक्सी चालकाचे नाव आहे. मुंबई भाजपचे अध्यक्ष मंगलप्रभात लोढा यांनी सांताक्रुज पोलीस ठाण्याच्या आवारातच गौर याचा अलर्ट सिटीझन अर्थात जागरूक नागरिक सन्मान देऊन गौरव केला.

देशभरात विविध ठिकाणी सुधारित नागरिकत्व कायद्याला विरोध होत आहे. एकीकडे दिल्लीत शाहीन बाग येथे आंदोलन सुरु असून याच धर्तीवर मुंबईतील नागपाड्यातही आंदोलन अधिक तीव्र करण्याचा आंदोलकांचा प्रयत्न असल्याचे संभाषण प्रवासी करत होते. या संभाषणाचे फोन रेकॉर्डिंग गौर यांनी केली होते. पश्चिम उपनगरात प्रवासी घेऊन जात असताना गौर याने या आंदोलनाला समर्थन देणाऱ्या प्रवाशांचे संभाषण आपल्या फोनमध्ये रेकॉर्ड केले होते. या संभाषणात आक्षेपार्थ विधान असून ही सामाजात तेढ निर्माण करणारे होते, असे गौर यांनी पोलिसांना सांगितले.

हेही वाचा - ...त्यांनी पाच वर्षात 'शिक्षणाच्या आयचा 'घो' केला - संजय राऊत

मुंबईतही शाहीन बाग प्रमाणेच मोठे आंदोलन करण्याची तयारी करण्याचा उद्देश त्या प्रवाशांचा होता असेही गौर याचे म्हणणे आहे. रेकॉर्ड केलेले संभाषण गौर याने सांताक्रुज पोलिसांना दिले असून पुढील चौकशी सुरू आहे. एकंदरीत सुधारित नागरिकत्व कायद्याला काही घटक विरोध करता असतानाच भाजप कार्यकर्तेही अनेकदा या कायद्याच्या समर्थनार्थ रस्त्यावर उतरले आहेत. आता या कायद्याला विरोध करणाऱ्यांची माहिती देणाऱ्या टॅक्सी चालकाचा सन्मान करत देशातल्या नागरिकांनीही जागरूक राहून विरोधातील आंदोलन मोडून काढावे, असे आवाहन मुंबई भाजपचे अध्यक्ष मंगलप्रभात लोढा यांनी केलेे आहे.

हेही वाचा - 'मागच्या ५ वर्षात शिक्षणात विष पेरण्याचा प्रयत्न'