मुंबई - जगातील पहिल्या कलाकार रोबोने मुंबईतील टेकफेस्टमध्ये आपली कला सादर केली. भारतीय चित्रपट सृष्टीतील अभिनेता अमिताभ बच्चन व शाहरुख खान यांचे चित्रपट व गाणी आवडतात, असेही या रोबोने सांगितले. तसेच निवेदिकासोबत चर्चा करत सर्वांचे लक्ष वेधून घेतले.
हेही वाचा - मुंबई आयआयटी टेकफेस्टमध्ये नाशिकची 'एअर टॅक्सी'
तंत्रवेड्या तरुणांना भन्नाट अनुभव देणारा म्हणून आयआयटीमधील टेकफेस्टची ओळख देशभर आहे. यावेळी आयआयटी कॅम्पसमध्ये आयोजित केलेल्या टेकफेस्टमध्ये खास आकर्षण असलेला कलाकार रोबो तरुणांना जवळून पाहता आला. रोबोथेस्पीयन हा जगातील पहिला अभिनेता आणि परफॉर्मर रोबोट आहे. त्याने आज आपला आवडता बॉलिवूड अभिनेता अमिताभ बच्चन आहे. तसेच एक दिवस आपल्याला ऑस्कर पुरस्कार जिंकण्याची इच्छा आहे, असे सांगितले.
हेही वाचा - कामगारांच्या देशव्यापी संपाला शिवसेनेचा पाठिंबा
रोबोथेस्पीअन हा एक सार्वजनिक अभिनय क्षेत्रात मानवी संपर्कासाठी डिझाइन केलेला अभिनय ह्युमनॉइड आहे. त्याच्या मोहक हालचाली, विलक्षण देहबोली आणि भावना व्यक्त करणारी कौशल्ये पाहण्यासारख्या आहेत. त्याच्या एलसीडी डोळ्यांनी प्रेक्षकांना मंत्रमुग्ध करतो. तसेच त्याच्या शरीरातील सेलमध्ये भावनात्मक एलईडी लाईटिंग आहे. त्यामुळे त्याच्या भावनांशी जुळण्यासाठी प्रेक्षकांना मदत होते. तो कोणत्याही कला सादर करू शकतो. गाणे, नृत्याबरोबर तो प्रेक्षकांमधील एखाद्याच्या हालचालींची नक्कल करत गर्दीतील चेहरेही ओळखू शकतो.
नृत्य सादर करणारा रोबो -
रोबोची उंची 175 सेमी असून त्याचे वजन 33 किलोग्राम आहे. त्याची बॉडी अ‍ॅल्युमिनियमची असून तो माणसासारख्या सर्व हालचाली करतो. तसेच समोरची व्यक्ती पुरुष आहे, की स्त्री हे देखील तो ओळखतो. इतकेच नाहीतर त्याचे वय देखील तो सांगू शकतो. त्याच्याकडे 30 पेक्षा जास्त भाषांमध्ये बोलण्याची कला असून 70 पेक्षा जास्त आवाजांमध्ये तो बोलू शकतो.
