मुंबई : राज्याच्या लाचलुचपच प्रतिबंधक विभागाचे (एसीबी) राज्यात 8 विभाग आहेत. (ACB Trap Statistics Maharashtra) या विभागानुसार लाचखोरांवर कारवाई (red handed arrests for accepting bribes) केली जाते. राज्यात 2022 या वर्षात लाच स्विकारतानाचे 719 गुन्हे दाखल करण्यात आले. (rise in bribery) त्यामध्ये 1 हजार 16 जणांना लाच घेताना रंगेहाथ अटक केली. (ACB action against bribe takers) सर्वाधिक म्हणजे 155 लाचखोर पुण्यात आढळले असून सर्वात कमी म्हणजे 42 लाचखोर मुंबईत आढळले आहे. इतर विभागात ठाणे (83) नाशिक (123) नागपूर (73) अमरावती (63) औरंगाबाद (120) आणि नांदेड (60) समावेश आहे. चालू वर्षात अपसंपदेचे 12 आणि इतर भ्रष्टाचाराचे 9 गुन्हे दाखल करण्यात आले आहे.
2022 मध्ये 38 लाचखोर दोषी : लाच प्रकरणातील लोकसेवकांवर न्यायालायात खटले चालविण्यात येतात. गेल्या वर्षात एकूण 29 लाच प्रकरणांचा निकाल लागला. त्यात 38 लोकसेवक दोषी आढळले आहेत. त्यात वर्ग-1च्या 3 वर्ग-2 च्या 2 आणि वर्ग 3 च्या 21 लोकसेवकांचा समावेश आहे. त्यांच्यावर एकूण 70 लाखांचा दंड आकारण्यात आला आहे. विशेष म्हणजे लाच घेताना रंगेहाथ पकडूनही 198 जणांना निलंबित करण्यात आलेले नाही.
