Mumbai High waves: मुंबईसाठी 25 दिवस धोक्याचे: समुद्रात साडेचार फुटांहून उंच लाटा येणार

Published : Apr 20, 2023, 1:19 PM IST

मुंबईमध्ये मोठ्या प्रमाणात पाऊस पडत असताना समुद्राला मोठी भरती असल्यास शहरात पाणी साचते. पाणी साचल्याने वाहतूक ठप्प होऊन मुंबई ठप्प होते. मुंबईच्या समुद्रात यंदाच्या पावसात जून ते सप्टेंबर दरम्यान २५ दिवस साडेचार फुटांहून उंच लाटा उसळणार आहेत. या दिवशी नागरिकांनी काळजी घ्यावी, असे आवाहन पालिका प्रशासनाकडून करण्यात आले आहे.

मुंबईच्या समुद्रात मोठ्या लाटा

मुंबई : मुंबई शहर समुद्र किनारी असल्याने समुद्राला भरती असल्यावर समुद्रातील पाणी शहरात येते. तसेच मोठा पाऊस असल्यावर पालिकेने शहरातील पाणी पम्पिंग स्टेशनच्या माध्यमातून समुद्रात सोडण्यासाठी यंत्रणा उभारली आहे. ही यंत्रणा बंद करावी लागते. भरती संपल्यावर शहरातील पाणी समुद्रात सोडले जाते. याच कालावधीत सतत पाऊस पडत असल्यास पाणी साचून जागतिक दर्जाचे शहर असलेली मुंबई ठप्प होते. यामुळे करोडो रुपयांचे नुकसान होते. यंदा जून २०२३ मध्ये ५ दिवस, जुलै मध्ये ६ दिवस, ऑगस्ट महिन्यात ८ दिवस तर संप्टेंबर महिन्यात ६ दिवस अशा २५ दिवसात ४.५ मीटरहून मोठ्या लाटा समुद्रात उसळणार आहेत. या कालावधीत नागरिकांनी समुद्र किनारी जाऊ नये. तसेच मोठा पाऊस असल्यास नागरिकांनी घराबाहेर न पडता काळजी घ्यावी असे आवाहन पालिका प्रशासनाने केले आहे.

जून २०२३ दिवशी समुद्रात मोठ्या लाटा -